Receta

Kunguj jahni, recetë tipike plot shije e stinës së verës nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 22 Maj, 12:21 | Përditesimi: 22 Maj, 12:22

Kunguj jahni

Përbërësit:

600 gr kunguj të njomë
500 gr mish të grirë
2 qepë mesatare
2 domate të pjekura
1 tufë majdanoz
1 tufë kopër
1 filxhan vaj ulliri
2 lugë gjalpë të tretur
Kripë, piper

Përgatitja:

LEXO EDHE:
Diples me arra dhe sherbet, ëmbëlsirë super e shpejtë nga zonja Albana

Pastrojmë lehtë nga jashtë kungujt dhe i presim në feta të rrumbullakta. Nëse janë të hollë i presim në formë vezake. Në një pjatë të cekët hedhim pak miell. I lyejmë kungujt dhe i skuqim paksa në një tigan me vaj ulliri dhe gjalpë. Në tiganin ku skuqëm kungujt shtojmë qepën e grirë në rende dhe e kaurdisim derisa të marrë një ngjyrë floriri. Më pas shtojmë mishin e grirë dhe e lëmë të skuqet për pesë minuta. E kriposim dhe më pas në të shtojmë domatet e qëruara nga cipa e të grira në rende. I lemë në zjarr të ngadaltë derisa të avullojë lagështira e tepërt. Vendosim në një tenxhere kungujt e skuqur, më pas i hedhim kimanë. Në fund piperin, majdanozin e prerë.imët, koprën e grirë hollë dhe pakëz ujë. E mbulojmë tenxheren dhe i lemë të ziejnë derisa të mbeten në yndyrën e vet.

MC/Shqiptarja.com

TAG: