Receta

Kungull i mbushur me gjizë, erëza dhe arra / Shef Seri Haskurti sjell recetën e vjetër të gjyshes

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00. Herë pas here rubrikës së gatimit i bashkohen amvisa dhe shefa të ndryshëm kuzhine.

Redaksia 16 Qershor 2023, 12:05 | Përditesimi: 16 Qershor 2023, 12:08

Kungull i mbushur me gjizë, erëza dhe arra

Përbërësit:

2 kunguj të njomë
300 gr gjizë
50 gr arra
100 gr djathë kaçkavall
Pak bajame me feta
Pak hudhër /qepë të njomë
Koper, nenexhik
Kripë, piper
Vaj ulliri

Për servirje:

LEXO EDHE:
Pulë me oriz në furrë nga zonja Albana

3 lugë salcë kosi
2 thelpinj hudhër
Pak qepë të njomë
Pak lëng limoni

Përgatitja:

Kungujt e njomë i ndajmë në mes dhe pastrojmë pak pjesën e brendshme.

I hedhim pak vaj ulliri, pak kripë dhe pak piper të zi. I lëmë për 5 minuta në furrë sa të mpihen pak dhe ndërkohë përgatisim mbushjen. Në një enë ovale shtojmë gjizën e shtëpisë, grijmë pak djathë kaçkavall për lidhjen, shtojmë me rradhë erzat, arrat, një pjesë të hudhrave dhe e përziejmë me një lugë ose pirun.

Sapo kungujt të jenë zbutur pak i mbushim një e nga një dhe i shtrojmë në një tavë të lyer me pak vaj ose gjalpë. Sipër i hedhim kaçkavall të grirë dhe pak bajame të grira dhe i spërkasim me pak vaj ulliri që të marrin një ngjyrë të artë dhe i vendosim në furrë për 10 minuta në 200-220 gradë.

Ndërkohë përgatisim salcë për shërbimin në pjatë. Marrim salcën e kosit e përziejmë dhe i shtojmë pak hudhër të grirë, pak qepë të njomë dhe shtrydhim pak lëng limoni.

MC/Shqiptarja.com

TAG: