POP 5

Lajmet më të lexuara të 5 minutave të fundit

Sport

Kupa e Italisë/ Sonte akti i parë i gjysmëfinales, në Torino luhet Juve-Inter! Allegri mbron Inzaghin: S'ka krizë, iu ka dërguar në çerekfinalet e Champions-it

Sonte në orën 21:00 në Torino do të luhet akti i parë i gjysmëfinalanes së Kupës së Italisë mes Juventusit dhe Interit. Trajneri i bardhezinjve Allegri ka mbrojtur kolegun zikaltër Inzaghin, ndërsa atmosfera te Interi është shumë e rënduar pas disa humbjeve rradhazi.

‘Allianz Stadium’ do jetë sonte dëshmitari i gjysmëfinales së parë në Kupën e Italisë mes Juventusit dhe Interit, dy skuadra që këtë kompeticion e kanë mundësinë më të mirë për të fituar një trofe gjatë këtij sezoni. ‘Zonja e vjetër’ vjen pas disa rezultateve pozitive dhe përveç formës së mirë ka në favor edhe historinë, ndërsa nga ana tjetër Inter vjen pas 3 humbjeve rradhazi në Seria A dhe për pasojë atmosfera është shumë e zymtë te zikaltërit.

Kjo ka qenë edhe arsyeja që Simone Inzaghi nuk është paraqitur në konferencën për shtyp, ndërsa trajneri i Juventusit Allegri e ka mbrojtur atë duke deklaruar se ‘ai është arsyeja që zikaltërit ndodhen në çerekfinalet e Champions League’. Sakaq Allegri ka shtuar se ‘Juventusi nuk duhet të gënjehet nga kriza false e Interit’.

Megjithatë ultrasit e Interit kanë vendosur ultimatum për këtë përballje. Ata thonë se ‘nëse vijnë rezultatet e duhura atëherë skuadra do trajtohet ashtu siç e meriton’. Lukaku sonte pritet ta nisë nga stoli, ndërsa përveç Dzekos dhe Handanovic titullar nga minuta e parë është projektuar edhe Kristjan Asllani. Te bardhezinjtë është kthyer Rabiot, ndërsa Allegri ka parashikuar Di Maria-Vlahovic në majë të sulmit.

Juventus nuk është eliminuar asnjëherë në gjysmëfinalet e Kupës së Italisë, por Interi vjen si fituesi në fuqi dhe sezonin e kaluar mposhti në finale pikërisht bardhezinjtë me rezultatin 4-2. Zikaltërit e kanë fituar 8 herë Kupën e Italisë, ndërsa Juventusi 14 herë dhe mban rekordin në këtë kompeticion.

Ndërkohë java e 29 e Premier League vë sonte përballë Chelsea-n dhe Liverpool-in, dy skuadra që janë në krizë. Londinezët vijnë pas shkarkimit të trajnerit Graham Potter, ndërsa ‘the reds’ pas humbjes 4-1 me City-n si dhe vendit të tetë në renditje, duke rrezikuar Championsin për sezonin e ardhshëm.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Modena/ Dy ‘skifterët’ shqiptarë grabitën 400 mijë euro mall në tetë ditë, 19 vjedhje në seri! Njëri i dënuar dhe për plagosje, plaçkitjet me orar

Modena/ Dy ‘skifterët’ shqiptarë grabitën 400 mijë euro mall në tetë ditë, 19 vjedhje në seri! Njëri i dënuar dhe për plagosje, plaçkitjet me orar

28 Nëntor, 16:34