POP 5

Lajmet më të lexuara të 5 minutave të fundit

Sport

Kupa e Mbretit ndez Madridin, sonte Real-Atletico! Statistikat parashikojnë shtesë, ndeshja speciale për Vinicius

Pas gati dy muajsh Real Madrid rikthehet sonte në stadiumin ‘Bernabeu’ për të luajtur derbin me Atleticon për Kupën e Mbretit. Ndeshja pritet të jetë shumë e dyluftuar dhe njëkohësisht e tensionuar, ndërsa statistikat thonë se me shumë mundësi nuk do ketë fitues brenda 90 minutave.

Në Bernabeun që po rinovohet sonte në orën 21:00 do të luhet një superpërballje siç është derbi i Madridit mes Realit dhe Atletico-s. Dy rivalët e përbetuar luajnë në çerekfinale të Kupës së Mbretit dhe fituesi do shkojë tek 4 më të mirat, por gjasat që ndeshja të zgjidhet me shtesë janë të mëdha dhe nuk do të habiste asnjë. Kjo pasi në 5 ndeshje që Reali dhe Atletico janë përballur për Kupa të ndryshme, përfshirë edhe 2 finale të Champions League, kanë shkuar në shtesa për të zgjidhur fituesin.

Sa i përket Kupës së Mbretit Atletico është më e predispozuar për të kërkuar trofeun, pasi është shumë mbrapa në La Liga, ndërsa në Champions League është eliminuar. Sonte ‘el colchoneros’ kanë vetëm mungesën e Marco-s Llorente, ndërsa te Real Madrid Carvajal, Tchuameni dhe Hazard me shumë mundësi janë të padisponueshëm për Ancelotti-n.

Trajneri italian i ‘galaktikëve’ para derbit e ka pranuar se janë favoritë, ndërsa është shprehur shumë i lumtur që skuadra rikthehet të luajë në Bernabeu pas gati 2 muajsh. Sakaq trajneri i Atletico-s Cholo Simeone kërkoi të evidentonte faktin se Real Madrid ka një skuadër me shumë yje në fushë, duke iu shmangur pyetjes për emra të veçantë.

Sakaq derbi do jetë special për Vinicius Junior, brazilianin i cili me Realin ka debutuar në derbi kundër Atletico-s, është fyer në mënyrë raciste nga këto të fundit, ka ngënë shumë shqelma nga kundërshtarët në fjalë, por më e rëndësishmja nuk ka shënuar kurrë ndaj tyre.   

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Ergys Mërtiri: Çna tregoi Altin Dumani?

Ergys Mërtiri: Çna tregoi Altin Dumani?

24 Nëntor, 08:47 nga Ergys Mërtiri