Kupa e Shqipërisë/ Erzeni thyen rekordin e Vllaznisë, e mposht 2-1! Egnatia fiton me një gol në Laç

Kupa e Shqipërisë/ Erzeni thyen rekordin e Vllaznisë, e mposht 2-1! Egnatia fiton me një gol në Laç

Erzeni 2-1 Vllaznia

Kupa e Shqipërisë ka vijuar me ditën e dytë të fazës çerekfinale. Në ndeshjet e para të kësaj fazë për këtë të mërkurë, Erzeni ia doli të fitonte 2-1 ndaj Vllaznisë, teksa Egnatia siguroi fitoren minimale 0-1 kundër Laçit në udhëtim.

Në stadiumin e Rrogozhinës, aty ku Erzeni luan si vendas, shijakasit mposhtën 2-1 Vllazninë. Shkodranët humbasin pas dhjetë takimeve radhazi që nuk e njihnin disfatën nën drejtimin e Qatip Osmanit. Një ish si Xhelil Hasani zhbllokoi ndeshjen dhe shënoi për Erzenin në të 64 minutë, para se Geralb Smajli të barazonte në të 87 minutë. Kur u duk se skuadrat do kënaqeshin me barazimin, Kacbufi shënoi golin e dytë për shijakasit. Tanimë Erzeni shkon në ndeshjen e kthimit me një gol më shumë dhe në Shkodër do i mjaftone edhe një barazim për të kaluar në gjysmëfinale.

Në stadiumin e Laçit, vendasit e Mirel Josës u ndëshkuan vetëm në fundin e lojës nga Egnatia, teksa kryesuesit e Superligës marrin një sukses edhe në Kupë. Duhej goli i Albano Aleksit nga penalltia në të 90+5 minutë që rrogozhinasit të shkojnë të avantazhuar në ndeshjen e kthimit që e luajnë në shtëpi.

Kupa e Shqipërisë, faza çerekfinale:

Ndeshjet e para

E martë:

13:30 Kukësi 0-1 Partizani

17:00 Teuta 0-0 Tirana

E mërkurë, 13:30

Erzeni 2-1 Vllaznia

Laçi 0-1 Egnatia

*Ndeshjet e kthimit në Kupë do të zhvillohen në datat 5 dhe 6 mars.

S.DH/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Basha akuzon se ka aleancë PS-Rithemelimi kundër SPAK, e besoni?



×

Lajmi i fundit

Shefi i ushtrisë izraelite thotë se Izraeli do t’i përgjigjet sulmit të Iranit

Shefi i ushtrisë izraelite thotë se Izraeli do t’i përgjigjet sulmit të Iranit