Kupa e Shqipërisë/ Fagu debuton me barazim, Teuta 0-0 Tirana! Partizani fiton 0-1 në Kukës (VIDEO)

Teuta dhe Tirana barazuan 0-0 në ndeshjen e parë çerekfinale të Kupës së Shqipërisë. Në duelin e "Niko Dovanas" debutoi në stolin e bardhebluve edhe Erbim Fagu. Trajneri që u prezantua vetëm pak orë më parë është optimist se bardhebutë mund të fitojnë titullin kampion.

 "Ishte dita e parë. Nuk është se e kisha stërvitur ekipin. Unë do të ndiqja linjën që skuadra ka pasur. Kisha dy mungesa si Latifin dhe Deliun. Unë jam optimist. E kam ndjekur kampionatin shqiptar. Kontigjenti aty është. Lojtarët kanë shumë cilësi. I kemi mundësitë që me grupin aktual të arrijmë objektivat që ne kemi. Kam shumë besim që me këtë grup lojtarësh do të arrijmë në katërshen e parë dhe të synojmë titullin kampion. Nuk pashë ngarkesë psikologjike nga lojtarët. Të gjithë ishin shumë të qetë dhe në harmoni. Nuk ishte lodhje psikologjike, më shumë ishte lodhje fizike", tha trajneri i Tiranës, Fagu.

DURRËS - Dje paradite foli për mediet dhe tha se ekipi ishte gati për përballjen e Kupës me Teutën, ndërsa pasdite lajmet për shkarkimin e Julian Ahmataj nga Tirana vërshuan.

Paraditen e sotme, Ahmataj zyrtarisht u shkarkua nga Tirana dhe vendin e tij e zuri Erbim Fagu. Paçka largimit, kjo nuk e ka stepur Julian Ahmatajn që ta ndjekë nga stadiumi "Niko Dovana" ndeshjen mes Teutës dhe Tiranës.

Përpara gjashtë orësh u prezantua si trajner i Tiranës, teksa në orën 17:00 do debutojë në stolin e bardhebluve në transfertën kundër Teutës, e vlefshme për çerekfinalen e parë të Kupës së Shqipërisë.

Erbim Fagu tanimë ka bërë edhe vendosjen e parë në fushë si trajner i Tiranës, duke futur në portë Kozin dhe në sulm të riun tjetër, Nikqi. Edhe Edi Martini ka bërë disa lëvizje te Teuta.

Formacionet zyrtare:

Teuta: Vata, Jazxhi, Gjini, Gjinollari, Arifi, Beqja, Kruja, Peposhi, Lloci, Çyrbja, Daci Trajner: Edi Martini

Tirana: Kozi, Mici, Lulaj, Hoxhallari, Përgjoni, Meta, Haxhiu, Jonuzi, Lushkja, Abazaj, Nikqi Trajner: Erbim Fagu

Partizani fitoi 0-1 në Kukës për çerekfinalen e parë në Kupën e Shqipërisë. Goli i ish-kapitenit të verilindorëve, Gjelbrim Taipi, i dha suksesin "Demave" që në 5 mars në ndeshjen e kthimit shkojnë në avantazhin minimal.

Pas ndeshjes për MCN trajneri i të kuqve, Orges Shehi tha se fusha nuk i la të bënin një lojë më të mirë. Frikë për Skukën, me Partizanin që dyshon se sulmuesi që luajti vetëm 20 minutat e para të kësaj përballje mund të ketë bërë tërheqje muskulore.

"E kishim vlerësuar shumë këtë ndeshje. Na penalizoi shumë edhe fusha për të luajtur siç donim, ishte e rënduar, për këtë arsye kishte më shumë tranzicion apo krosime. Ishim shumë të kujdesshëm edhe në mbrojtje, jam i kënaqur me performancën që dhanë lojtarët e rinj.

Ne kemi nxjerrë një mësim që pësonim gola në tranzicion. Patjetër që kishim raste për ta mbyllur ndeshjen, por jo çdo rast bëhet gol. Duhet të mbajmë fort urinë dhe dëshirën që ne kemi tani. Skuka? Informacioni i parë është që ka kontraktim, urojmë shumë të jetë kështu. Lutemi që të mos ketë pësuar tërheqje", tha Orges Shehi.

Në stadiumin e Kukësit, vendasit humbën 0-1 me Partizanin. Ndeshja e parë çerekfinale në Kupën e Shqiperisë foli për "Demat", që ia bënë të hidhur debutimin në stolin e verilindorëve Bledar Devollit. Në 20 minutat e para të duelit, Partizani mori një goditje të madhe pas dëmtimit të Skukës dhe zëvendësimit të tij me Alfred Mensah. Goli i vetëm i përballjes u shënua nga një ish si Gjelbrim Taipi në të 43 minutë, me një aksion të rrjedhshëm. Kështu, të kuqtë e Orges Shehit marrin rezultat pozitiv në ndeshjen e parë dhe në 5 mars presin verilindorët në Tiranë me fitore, edhe pse minimale.