POP 5

Lajmet më të lexuara të 5 minutave të fundit

Sport

Kupat, Liverpool avancon me të rinjtë, eliminohet Dortmund dhe Valencia (VIDEO)

Lojtarët e ekipit të parë me pushime por Liverpuli me djemtë e rinj arrin që të sigurojë fazën e 1/8 të FA Cup. Surpriza ka pasur në Kupën e Gjermanisë ku janë eliminuar Dortmund dhe Lajpcig ndërsa edhe në Kupën e Mbretit , Valencia mposhtet nga Granada dhe eliminohet.

Lojtarët e ekipit të parë me pushime në Maldive e Dubai ndërsa të rinjtë e Liverpoolit sigurojnë kalimin e ekipit në fazën e 1/8 të FA Cup ku do të përballet me Chelsean. Një “baby” Liverpool madje edhe pa Klopp në pankinë fitoi 1-0 ndeshjen e kthimit ndaj Shreësbury Toën falë një autogoli dhe avancon më tej në FA Cup.

Në Kupën e Gjermanisë ka pasur surpriza në ndeshjet e para të fazës së 1/8 ku janë eliminuar Dortmundi dhe Lajpcig. Milot Rashica ka nxjerrë jashtë verdhezinjtë pasi Ëerder Bremen ka fituar 3-2 ndeshjen e luajtur mbrëmë dhe siguroi kalimin në fazën çerekfinale. Kosovari Rashica shënoi golin e tretë të takimit ndërsa norvegjezi Haaland realizoi sërish për Dortmundin.

Jashtë Kupës është edhe Lajpcig që u mposht 3-1 në Frankfurt nga Eintrahti vendas. Super ishte Filip Kostic me dy gola ndërsa një tjetër e shënoi Andre Silva. Schalke eliminoi Hertha Berlin ndërsa sonte është radha e Bayern Mynih që pret Hoffenhaim.

Edhe çerekfinalet e Kupës së Mbretit nisin me një surprizë të madhe. Granada mposhti 2-1 dhe eliminoi Valencian fituesen në fuqi. Takimin e vendosi një ish-futbollisti i Valencias, Roberto Soldado që shënoi në minutat 3 dhe 90-të me penallti. Sonte është radha e Villareal të zbres në fushë ndërsa nesër luajnë Real e Barcelona./ Përgatiti Andi Kapxhiu

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Aksident në aksin Lezhë-Milot/ Makina përplas 16 vjeçarin (EMRI)

Aksident në aksin Lezhë-Milot/ Makina përplas 16 vjeçarin (EMRI)

25 Nëntor, 14:47