Napoleon Bonaparti kur bëri organizimin administrativ, përfshirë dhe gjykatat, vuri kusht që vendodhja përcaktohej kur personi nisej me kalë nga shtëpia me dritë dhe mbërrinte brenda ditës në shtëpi me kalë pa rënë muzgu.
Sot jetojmë në një epokë tjetër: kuajt ja kanë lënë vendin makinave dhe rrugët e shtigjet ja kanë lënë vendin autostradave.Në Francë sot ka rrugë më të mira, rrjet hekurudhor në çdo skaj, por edhe sot respektohet ndarja administrative e gjyqësore e Napoleonit.
Një twitter i Andi Dobrushit, sot, me një fjali shprehte shqetësimin e madh për “hartën e re” të gjyqësorit.
“Nuk mund të ketë drejtësi për qytetarin, larg qytetarit! Harta e re e gjyqësorit rrezikon zbatimin e refromës në Drejtësi”Ideja për të shkrirë 10 gjykata dhe për të patur vetëm një gjykatë Apeli në Shqipëri është në rastin më të mirë e dëmshme.Aksesi në drejtësi nënkupton edhe afërsinë gjeografike të qytetarit me gjykatat.
Mendo për një çast një delvinjot apo kuksian që ka punë në gjykatën e vetme të Apelit në Tiranë!
Imagjino dëshmitarin nga Vermoshi apo Konispoli që duhet të vij në Tiranë? (Me shpenzimet e veta) Apo mos vallë duhet që të blejnë shtëpi në kryeqytet nëse kanë punë me gjykatën?
Është e qartë se ideuesit dhe propozuesit e hartës “re” gjyqësore nuk kanë menduar shumë për planifikimin dhe për pasojat. Për shembull sa kushton transporti i të burgosurit në Reç, që ka punë me gjykatën e Apelit në Tiranë? Furgoni? Policët shoqërues etj etj. Këta paguhen me paratë e buxhetit.
Do të rriten fondet për karburant, amortizim mjetesh, dieta, rreziqet e sulmeve ndaj furgonëve penitenciare gjatë rrugës vajtje-kthim, shpenzimet e rrugës dhe ushqimit dhe fjetjes së gjyqtarëve e prokurorëve që banojnë larg vendit të punës etj etj.
Minimumi i minimumit duhet së paku të ishin tri gjykata Apeli, një për Veriun, një në kryeqytet dhe një për Jugun! Si do t’i shërbehet më mirë vlonjatit, kuksianit apo sarandiotit me gjykatën e Apelit në Tiranë?!Apo me aeroportin e Kukësit, Vlorës dhe Sarandës do të zbutet pak problemi i largësisë së gjykatës së vetme të apelit?!
Mungesa e planifikimit strategjik është një sëmundje e vjetër që gjithmonë na çon në zgjidhje që të kujtojnë shprehjen ironike franceze: për të ulur nevojën për këpucë, t’i presim këmbët njerëzve!Në kujtimet e Eqerem Bej Vlorës, nipi i Ismail Qemalit përshkruan një skenë që po ta lexosh sot nuk ke fuqi të buzëqeshësh.
Eqerem bej Vlora urdhërohet nga Ismail Qemali të përgatitet me trupa ushtarake për të përballuar një betejë të mundshme me grekët. Eqerem Beu jep urdhër që të nisë ndërtimi i spitalit fushor dhe disa fshatarë të zonës po talleshin me këtë urdhër: Beu nuk qenka mirë!? Çfarë na duhet ne spitali kur akoma nuk kemi asnjë të plagosur”Sot gjytarët e mbetur në sistem janë të mbingarkuar.
6 gjyqtarët e mbetur në gjykatën e Apelit në Tiranë kanë mbi 18000 dosje stivë për të gjykuar. Secili ka 3000 dosje! Me grumbullimin e dosjeve të rretheve, një gjyqtar që nis punën sot – nuk ka më nevojë për asnjë çështje se del në pension me stivën që ka në tavolinë. Dhe bëhet fjalë për çështje administrative, civile, penale, për çështje të rëndësishme apo qoftë edhe për “çikërrima”. Nëse nuk merr drejtësi sa je gjallë, a ka kuptim ta lesh në testament “zgjidhjen”?
Zgjidhja është të mendohej me kohë dhe të mendohet edhe sot si të rritet numri i gjyqtarëve në Apel, si të afrohet shërbimi te qytetarët se përndryshe le të kalohet në drejtësinë me distancë- Teledrejtësi dhe kështu kursejmë edhe më shumë!Për çdo problem ka zgjidhje, por kushti i parë është të njohësh problemin. Në mungesë të “njohjes së problemit”, gjithnjë e më shpesh ilaçi po na del më i rrezikshëm se vetë sëmundja!
Komente
Lajme të tjera
-
Lutfi Dervishi: Burg, burg, burg....
2 Nëntor, 13:39
-
Lutfi Dervishi: Meta dhe epilogu i një karriere të mbushur me kontradikta
22 Tetor, 07:55
-
Lutfi Dervishi: Rezistencë civile apo partiake?
7 Tetor, 22:20
-
Vatikani i Tiranës
21 Shtator, 18:49
-
Sot je, nesër s’je
18 Shtator, 22:51
-
Lutfi Dervishi: Skënderbeu, Ismail Beu dhe Edibeu
1 Shtator, 09:14
-
Harta e re gjyqësore dhe dosjet stivë/ Xhafaj rezerva për Llagamin, kryetarja e KLGJ-së: Na jepni 0.1% të buxhetit, mbështetja s'është efektive
7 Qershor, 13:33 -
Lutfi Dervishi: Pse gjykatësit nuk dënojnë dhunën ndaj Avokatit?
1 Qershor, 19:33
-
Lutfi Dervishi: TV si TikTOK
13 Maj, 11:50
-
Lutfi Dervishi: Kronikë e një arrestimi të paralajmëruar
1 Maj, 12:04
-
Tiranë- Durrës, një garë breshkash
25 Mars, 12:26
-
Pastrimin e parave e bëjnë pastrueset
19 Mars, 18:01
Z. Dervishi, kjo harte e re mund te kete shume gabime dhe sigurisht mund te krijoje akoma me shume vonesa per qytetarin, gjithesesi, me lejoni te bej dy korrigjime te vogla: 1) Titulli nuk i shkon per shtat drejtesise qe duam. Nuk mund te ecet me padrejtesi vetem per hater te mbylljes formale te proceseve ne apel. 2) Nje korrigjim ne lidhje me deshmitaret nga Vermoshi apo Konispoli te cilet duhet te vine ne gjykaten e apelit. Gjykatat e apelit nuk merren me deshmitare por kontrollojne procesin e gjykates se shkalles se pare (faktit). Ajo eshte gjykata qe merret me deshmitare. Apeli kontrollon proceduren dhe kur shikon se gjykata e shkalles se pare ka vepruar gabim, ndryshon vendimin. Ne nje sistem normal, shume pak dosje duhet te perfundojne ne apel, dhe akoma me pak ne gjykaten e larte. Ne Shqiperi jemi mesuar pak keq qe edhe vendimin per gardhin me kallama te tokes ta cojme deri ne gjykaten e larte. Kjo lloj drejtesie eshte e gabuar pasi thjesht zvarrit proceset dhe thjesht krijon pune per cdo hallke te procesit.
Përgjigju