Doli nga shtypi dhe u vu në qarkullim vëllimi i parë i Fjalorit të Qeverisjes 2013–2026, në të cilin janë përmbledhur fjalët, termat, sloganet, reformat, platformat, paketat, revolucionet dhe rilindjet që kanë shoqëruar popullin shqiptar gjatë këtyre 13 viteve.

Vepra përmban:

1. Rilindja/Rilindja Urbane/Rilindja Rurale

2. Shëndetësia falas

3. Ujë 24 orë

4. Pylli orbital

5. Legalizime falas

6. Taksimi i ndershëm

7. Operacioni kundër informalitetit

8. Reforma territoriale

9. Fund Paligjshmërisë

10. Nuk ka kohë për pushim

11. Reforma në Drejtësi

12. Vettingu

13. Policia që duam

14. Drejtimi duhur

15. Vetëm përpara

16. Bashkëqeverisja

17. Shqipëria që duam

18. 100 Fshatrat

19. Pakti për Universitetin

20. Këshillimi Kombëtar

21. Shteti në xhepin tënd

22. Shërbime pa sportel

23. Revolucioni digjital

24. Harta e re gjyqësore

25. Pagesa e luftës

26. Paketa e Rezistencës Sociale

27. Ballkani i Hapur

28. Satelitët Albania 1 dhe Albania 2

29. Sytë nga qielli

30. Tigri 1, Tigri 3

31. Shqipëria 2030

32. Turizem elitar

33. Paketa e Maleve

34. Paqja fiskale

35. Pasaporta BE

36. Albania Files

37. Bonusi pensionistëve

38. Diella

39. Smart city

40. Besa/Prania Besnike/Pasqyrë Albania/Degjojme hallet

P.S. "Nuk keni parë gjë akoma", është lënë jashtë botimit për arsye metodologjike. Fjalori nuk përmban "ato që nuk kemi parë..."

Gjithsej 40 fjalë e togfjalësha.

Duhet theksuar se numri i kapitujve që Shqipëria duhet të mbyllë në negociatat me Bashkimin Europian është vetëm 35!

Për kapitujt, ashtu si për kantieret punohet me ritem të lartë, dhe jemi drejt përfundimit aq më tepër që pjesën më të vështirë atë të kapitullit të fjalëve e kemi ezauruar.

Fjalori përbën një kontribut të çmuar në pasurimin e leksikut politik të shqipes.

Siç thoshte Emil Cioran: “E vetmja gjë që e ngre njeriun mbi kafshën është gjuha dhe është po gjuha ajo që shpesh e vendos atë më poshtë.”

Ndoshta Cioran nuk e kishte parasysh Fjalorin e Qeverisjes 2013–2026, por kjo është vetëm sepse nuk pati fatin të jetonte aq gjatë sa të shihte botimin e tij.

Ekspertët dhe kritikët e konsiderojne botimin edhe si një lloj Kanuni i qeverisjes moderne shqiptare. Kanuni, ai i lashti, rregullonte marrëdhëniet me nder, besë e fjalë; sot kemi Besën, Praninë Besnike, Pasqyrën dhe Dëgjimin e Halleve.

Kanuni i vjetër kërkonte që fjala e dhënë të mbahej, ndërsa Fjalori i ri mjaftohet me faktin që fjala të jepet. Në fund të fundit, siç thonë francezët, premtimet u përkasin atyre që u besojnë.

Fjalori i vjen në ndihmë qytetarëve për të kuptuar sa të lumtur janë për (bashkë)qeverisjen, administratës për të kuptuar pse është në punë, medias për ta përcjellë sa më besnikërisht te publiku dhe sidomos brezave të ardhshëm për të dalluar kufizimet e gjuhës shqipe dhe pasurinë e pafund të gjuhës se pushtetit.

Fjalori mund të përdoret gjithashtu nga studiues, gjuhëtarë, historianë dhe arkeologë, sidomos këta të fundit, kur të kërkojnë se çfarë mbeti pas fjalëve.

Në Shkodër e kanë përmbledhur prej kohësh gjithë veprën në një fjali:

Lum çfarë dëgjoj, e mjer çfarë shoh./Marrë nga Facebook i Lutfi Dervishit