POP 5

Lajmet më të lexuara të 5 minutave të fundit

Kronikë

Kurbin/ Policia parandalon një ngjarje të mundshme kriminale, 21-vjeçari sheh efektivët dhe arratiset! Gjendet pushka dhe fishekët në makinë, shpallet në kërkim (EMRI)

Një ngjarje e mundshme kriminale është parandaluar nga Policia e Kurbinit ditën e sotme gjatë aksionit të koduar "Parandalimi". Një person që qarkullonte me automjet i armatosur me armë zjarri është lokalizuar dhe ndjekur nga blutë, pasi më parë ishte konfliktuar me dike tjetër. 21-vjeçari i dyshuar se do kryente një krim, ka braktisur mjetin dhe u largua me shpejtësi

Pushka e sekuestruar

Kurbin- Një ngjarje e mundshme kriminale është parandaluar nga Policia e Kurbinit ditën e sotme (3 Dhjetor).

Një person që qarkullonte me automjet dhe i armatosur me armë zjarri, është lokalizuar dhe ndjekur nga blutë. 21-vjeçari i dyshuar se do kryente një krim, ka braktisur mjetin dhe u largua me shpejtësi.

I riu është identifikuar si Andrea Korriku dhe u shpall në kërkim.

Gjatë kontrollit në automjet, Policia gjeti një armë zjarri pushkë me fishekë dhe një sasi fishekësh pistolete.

“Strukturat e parandalimit të krimit, të Komisariatit të Policisë Kurbin, sapo kanë marrë informacion se një shtetas (i cili më parë ishte konfliktuar me një shtetas tjetër, konflikt i padeklaruar në Polici), po qarkullonte me armë zjarri, menjëherë kanë organizuar punën për bllokimin e automjetit dhe të shtetasit, me qëllim verifikimin e informacionit”, bëri me dije policia vendore.

Gjatë kontrolleve në Mamurras, në kuadër të operacionit policor të koduar “Parandalimi”, është bërë fillimisht lokalizimi i mjetit me të cilin 21-vjeçari lëvizte, dhe menjëherë i është bërë shenjë për të ndaluar. Por sapo ka parë blutë, ai është arratisur.

“Gjatë kontrollit në automjet, shërbimet e Policisë gjetën një armë zjarri pushkë me municion luftarak, si dhe një sasi fishekësh pistolete, të cilat u sekuestruan në cilësinë e provës materiale, bashkë me automjetin tip “Benz” që drejtonte 21-vjeçari”, sqaroi policia.

Andrea Korriku u shpall në kërkim, teksa makina, arma dhe municionet u sekuestruan si prova materiale.

Çështja i kaloi për ndjekje prokurorisë vendore. Ndaj të riut rëndojnë akuzat “mbajtja pa leje dhe prodhimi i armëve, armëve shpërthyese dhe i municionit” dhe “mosbindja ndaj urdhrit të punonjësit të policisë së rendit publik”.

A.Q/E.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 6 Janar, 20:03

    Si iu duket trafiku rrugor në Shqipëri?

Lajme të tjera



×

Lajmi i fundit

'Grenlanda nuk shitet', kryeministrja daneze i përgjigjet Trump-it pas vizitës së djalit të tij në ishull

'Grenlanda nuk shitet', kryeministrja daneze i përgjigjet Trump-it pas vizitës së djalit të tij në ishull

7 Janar, 21:32