Kursimet e individëve, bizneseve dhe institucioneve shënuan një tjetër rritje në muajin shtator, duke arritur një tjetër rekord maksimal në vlerë.
Sipas statistikave të Bankës së Shqipërisë, totali i stokut të depozitave në vend në fund të muajit shtator ishte 1.18 trilionë lekë, (9.6 miliardë euro), me rritje prej 0.18% (+9.5 miliardë lekë) në krahasim me muajin e mëparshëm.
Ritmet e rritjes gjithsesi janë ngadalësuar në raport me muajt e mëparshëm, kur kursimet u shtuan ndjeshëm nga efektet sezonale të prurjeve të emigrantëve. Tradicioniasht në gusht dhe në dhjetor, depozitat rriten ndjeshëm.
Edhe në shtator, valuta dha efektin kryesor në shtimin e kursimeve, duke ndikuar në 61% të rritjes. Ndryshe nga viti 2020, kur në pandemi u rritën më shpejt kursimet në lekë, këtë vit shtimi i depozitave po udhëhiqet nga valuta, kryesisht euro.
Në fund të shtatorit, depozitat në valutë zinin 55.2% të totalit, nga 54% në të njëjtin muaj të një viti më parë.
Me bazë vjetore (shtator 2021/shtator 2020), depozitat janë rritur me rreth 10%, duke shtuar në sistem rreth 106.5 miliardë lekë, ose gati 870 milionë euro. 70% e kësaj shume ka ardhur nga zgjerimi i kursimeve në valutë.
Gjatë vitit të fundit, krahas individëve, e lartë ka qenë rritja e depozitave të korporatave të tjera jofinanciare, si në lekë ashtu dhe në valutë.
Në lekë individët vijojnë që të preferojnë depozitat likuide, për shkak të interesave të ulëta të kthimit, që nuk po nxisin kursimet afatgjata. Pesha e depozitave me afat të individëve në fund të muajit shtator ishte 17% e totalit, nga 36% në janar të vitit 2015, teksa normat e interesit për kursimet me afat 12 mujore janë më pak sesa 1%, si rrjedhojë e politikës monetare lehtësuese që ka ndjekur banka e Shqipërisë gjatë dekadës së fundit.
Pas një stanjacioni gjatë 2015-2019, dy vitet e fundit depozitat i janë rikthyer ritmeve të larta të rritjes. Tendenca filloi që gjatë vitit pandemik, një prirje që u konstatua në gjithë Europën, pasi individët tentuan të kursejnë në kohë të pasigurta dhe në pamundësi për të shpenzuar, ndërsa po vijon edhe përgjatë këtij viti./ Monitor
Lajme të tjera
-
Transfertat kombëtare në euro u rritën me 33% për 10-mujorin e këtij viti
22 Nëntor, 14:54 -
Shqipëria në SEPA/ Ambasadori Gonzato takim me Sejkon: Moment historik, qytetarët dhe bizneset më afër tregut unik të BE
22 Nëntor, 11:21 -
Shqipëria anëtare e SEPA-s, Sejko: Kostoja e pagesave ndërkufitare në euro, 5 herë më e ulët! Kursimi në ekonomi 20 mln euro në vitin e parë
21 Nëntor, 17:50 -
Shqipëria pranohet zyrtarisht në SEPA
21 Nëntor, 16:38 -
Parapagimi i tatimit nga profesionet e lira, Malaj: Brenda dhjetorit do kthehen shumat e paguara
21 Nëntor, 15:36 -
Vrojtimi i Bankës së Shqipërisë/ 37% e bizneseve kanë një borxh për të shlyer! Të vegjlit marrin hua për shpenzime të papritura, të mëdhenjt 'zhyten' për investime
19 Nëntor, 22:34
-
Këshilli Europian i Pagesave shqyrton aplikimin e Shqipërisë në SEPA
16 Nëntor, 12:09 -
Zhvlerësimi i euros, BSH: Po bëjmë analiza për të ndërhyrë për të ndaluar rënien e shpejtë
15 Nëntor, 11:10 -
Banka e Shqipërisë kërkon rishikim të skemës së pensioneve, rrezik për financat publike! Zv/ Guvernatorja ep opinionin për pr/buxhetin 2025 tek 'Ekonomia'
15 Nëntor, 10:04 -
Vrojtimi i Bankës së Shqipërisë: 24% e familjeve shqiptare jetojnë me borxhe! Pjesa më e madhe për konsum e shëndetësi, 20% blejnë ‘ushqime me listë’
14 Nëntor, 18:48
-
Dollari fiton terren përballë lekut, rritet me 3% brenda këtij muaji! Euro vijon të zhvlerësohet pa ndalur
14 Nëntor, 14:21 -
Norma bazë e interesit u ul, BSH: Kreditë do jenë më të lira
12 Nëntor, 17:14
