Kursimet që individët, bizneset dhe institucionet e tjera kanë në bankat shqiptare arritën në një rekord të ri në tetor, duke shënuar vlerën e 1.94 trilionë lekëve, ose 9.7 miliardë euro, sipas statistikave të publikuara nga Banka e Shqipërisë. Gati 1 miliardë euro janë shtuar në banka vetëm në 12 muajt e fundit.
Rritja ka vijuar edhe gjatë tetorit, ndonëse me ritmet më të ngadalta në krahasim me korrikun e gushtin, kur u shënua zgjerim rekord si rrjedhojë e efekteve sezonale nga ardhja e emigrantëve. Në tetor kursimet u shtuan me 8.3 miliardë lekë, nga 20.6 miliardë lekë në gusht dhe 11 miliardë lekë në shtator.
Zgjerimi i tetorit, ashtu si në muajt e mëparshëm erdhi pothuajse tërësisht nga valuta, kryesisht e rezidentëve.
Korporatat financiare ulën nivelet e depozitave në lekë, në një sinjal se ato mund t’i jene rikthyer investimeve, pas përmirësimit të situatës ekonomike në vend.
Individët vijojnë që të mbajnë kursimet në maturitete afatshkurtra, për shkak të normave të ulëta të interesit të depozitave me afat, që janë afër zeros. Pesha e kursimeve me afat në lekë të individëve në tetor zinte vetëm 17% të totalit, nga 40% që ishte në gusht 2011, përpara se Banka e Shqipërisë të fillonte politikën e lehtësimit monetar, që çoi në uljen e ndjeshme të interesave që bankat ofrojnë për depozitat në lekë.
Me bazë vjetore, në tetor, kursimet janë rritur me 10.5%. gati 60% e rritjes ka ardhur nga valuta. Prej dy vitesh ritmet e rritjes së kursimeve janë shtuar ndjeshëm. Në 2020-n gjatë pandemisë kryesisht u zgjeruan depozitat në lekë, teksa pandemia dhe karantina kufizuan mundësinë e përdorimit të parave. Në vitin 2021 po mbizotëron valuta.
Që prej disa vitesh, euro është monedha më e preferuar e kursimtarëve. Sipas Bankës së Shqipërisë. Në fund të tetorit, stoku i depozitave në valutë përbënte 55.4% të totalit, nga 48% në janar të vitit 2014./Monitor
Lajme të tjera
-
Transfertat kombëtare në euro u rritën me 33% për 10-mujorin e këtij viti
22 Nëntor, 14:54 -
Shqipëria në SEPA/ Ambasadori Gonzato takim me Sejkon: Moment historik, qytetarët dhe bizneset më afër tregut unik të BE
22 Nëntor, 11:21 -
Shqipëria anëtare e SEPA-s, Sejko: Kostoja e pagesave ndërkufitare në euro, 5 herë më e ulët! Kursimi në ekonomi 20 mln euro në vitin e parë
21 Nëntor, 17:50 -
Shqipëria pranohet zyrtarisht në SEPA
21 Nëntor, 16:38 -
Parapagimi i tatimit nga profesionet e lira, Malaj: Brenda dhjetorit do kthehen shumat e paguara
21 Nëntor, 15:36 -
Vrojtimi i Bankës së Shqipërisë/ 37% e bizneseve kanë një borxh për të shlyer! Të vegjlit marrin hua për shpenzime të papritura, të mëdhenjt 'zhyten' për investime
19 Nëntor, 22:34
-
Këshilli Europian i Pagesave shqyrton aplikimin e Shqipërisë në SEPA
16 Nëntor, 12:09 -
Zhvlerësimi i euros, BSH: Po bëjmë analiza për të ndërhyrë për të ndaluar rënien e shpejtë
15 Nëntor, 11:10 -
Banka e Shqipërisë kërkon rishikim të skemës së pensioneve, rrezik për financat publike! Zv/ Guvernatorja ep opinionin për pr/buxhetin 2025 tek 'Ekonomia'
15 Nëntor, 10:04 -
Vrojtimi i Bankës së Shqipërisë: 24% e familjeve shqiptare jetojnë me borxhe! Pjesa më e madhe për konsum e shëndetësi, 20% blejnë ‘ushqime me listë’
14 Nëntor, 18:48
-
Dollari fiton terren përballë lekut, rritet me 3% brenda këtij muaji! Euro vijon të zhvlerësohet pa ndalur
14 Nëntor, 14:21 -
Norma bazë e interesit u ul, BSH: Kreditë do jenë më të lira
12 Nëntor, 17:14
