TIRANE- Dy vëllezërit Emiljano dhe Altin Hajri kanë pasur informacion të sigurt se një urdhër-arresti nga Italia kishte mbëritur në Shqipëri, me qëllim arrestimin e tyre. Këtë informacion ata e kanë marrë nga strukturat policore në Durrës dhe Policinë e Shtetit, struktura këto që kanë mbajtur kontakte direkte me palën italiane.

Të vënë në dijeni për rrezikun që po i afrohej, njëri nga vëllezërit Emiljano Hajri mësohet se ka dalë jashtë Shqipërisë, duke udhëtuar në 28 shtator nga Rinasi në drejtim të Italisë, dhe prej këtej ka udhëtuar në një shtet tjetër të Europës. Ndërkohë vëllai tjetër Altin Hajri gjatë kësaj kohe ka mundur të gjejë një strehë të sigurt, duke mos u arrestuar nga policia Shqiptare.

Hajri ndodhet në Shqipëri po nuk dihet vendi i strehimit të tij. Momentalisht në Shqipëri janë arrestuar vetëm dy persona që janë Klevis Sena dhe Gentian Meçollari, ndërkohë tre persona të tjerë, përfshirë këtu dy drejtuesit e organizatës kriminale janë shpallur në kërkim nga policia.