Kurti dhe Vuçiç me vizita të ndara në Bruksel

Nga data 28 deri më 30 prill do të realizojë vizitën e tij të parë në Bruksel, që nga momenti kur mori drejtimin e ekzekutivit. Lajmi është konfirmuar nga burimet në BE, duke thënë se janë duke bërë përgatitjet finale për agjendën e takimeve që Kurti do të ketë me përfaqësuesit e lartë të unionit.

Të njëjtën javë, por jo edhe në të njëjtën kohë, në Bruksel pritet të qëndrojë edhe presidenti i Serbisë, Aleksandar Vuçiç. Vizita e Kurtit në Bruksel është konfirmuar të mërkurën edhe nga Qeveria e Kosovës, për mediat vendase, të cilat kanë theksuar se Kurti do të takohet me përfaqësues të institucioneve të Bashkimit Evropian, por jo me presidentin serb, Vuçiç.

Sipas burimeve në Bruksel, Kurti do të ketë takim me presidentin e Këshillit Evropian, Charles Michel, presidenten e Komisionit Evropian Ursula von Der Leyen, Përfaqësuesin e lartë Josep Borrell si dhe Komisionerin për fqinjësi dhe zgjerim, Oliver Verhelyi.

Dialogu me Serbinë, përballja me pandeminë në Kosovë dhe ndihma që në këtë drejtim ofron BE-ja si dhe procesi i reformave, pritet të jenë tema kryesore të këtyre takimeve.

Sipas burimeve diplomatike në Bruksel, BE-ja do të dëshironte që takimi i parë Kurti-Vuçiç të realizohet sa më shpejt, por një takim i tillë pritet të ndodhë në muajin maj.

Dialogu ndërmjet Kosovës dhe Serbisë, me ndërmjetësimin e Bashkimit Evropian ka më 2011. Ky proces thuhet se ka për qëllim normalizimin e plotë të marrëdhënieve mes dy shteteve. Qeveria e Kosovës ende nuk ka dalë me një qëndrim zyrtar lidhur me kërkesën e presidentit Biden.

TAG:
• kosova
• kosova
• kosova
• kosova
• BE
• Albin Kurti
• aleksander vucic
• serbi
• Dialogu Kosovë Serbi