Kurti: Jam thellësisht i shqetësuar nga raportimet se politikani u paralizua pasi u rrah nga shërbimi sekret serb

Kryeministri i Kosovës, Albin Kurti, ka reaguar në profilin e tij zyrtar në X (ish-Twitter) duke u shprehur se është i shqetësuar thellë rreth raportimeve ku thuhet se politikani opozitar serb, Nikola Sandulovic, është paralizuar si rezultat i rrahjes nga shërbimi sekret i Serbisë.

Në shkrimin e postuar Kurti thotë se kjo ka ndodhur pas kërkimfaljes që Sandulovic ka bërë për krimet që Serbia ka bërë në Kosovë gjatë kampanjës gjenocidale.

“Thellësisht i shqetësuar për raportet që thonë se lideri i opozitës serbe Nikola Sandulovic është paralizuar për shkak të rrahjeve të rënda nga shërbimi sekret serb. Kjo vjen pas kërkimit të faljes së tij për krimet e kryera nga Serbia gjatë fushatës gjenocidale në Kosovë. Ky brutalitet i papërshkrueshëm përfaqëson tarifën që qeveria serbe u imponon qytetarëve të saj për guximin për të pranuar të vërtetën dhe për të ndjekur pajtimin. Ai gjithashtu përbën një shkelje serioze tëKonventës Evropiane për të Drejtat e Njeriut dhe një sulm të ngjashëm me Putinin ndaj atyre që refuzojnë të marrin pjesë në mohimin e gjenocidit”, ka shkruar Kurti.

LEXO EDHE:
‘BE sanksionoi Prishtinën për shkak të sjelljes së Kurtit’/ Eksperti në Report Tv: Serbia pret fitoren e Rusisë në Ukrainë për të aneksuar veriun e Kosovës

 

S.S/Shqiptarja.com

TAG:
• Albin Kurti
• Nikola Sandulovic