Kurti me ambasadorët e QUINT-it, thekson propozimin e tij për zgjedhjet serbe: Mbajtja e tyre në Veri kërkon marrëveshje ndërshtetërore

Kurti me ambasadorët e QUINT-it, thekson propozimin e tij për zgjedhjet serbe: Mbajtja e tyre në Veri kërkon marrëveshje ndërshtetërore

Kryeministri Albin Kurti, i shoqëruar nga zëvendëskryeministri Besnik Bislimi, ka zhvilluar një takim ditën e sotme me përfaqësuesit diplomatikë të shteteve të QUINT-it dhe Bashkimit Evropian.

Sipas mediave kosovare, pjesë e diskutimit ka qënë kërkesa e Serbisë drejtuar OSBE-së për mbajtjen e zgjedhjeve të saja presidenciale dhe parlamentare në territorin e Republikës së Kosovës.

Gjatë takimit, Kurti ka theksuar se për këtë çështje ai ka informuar OSBE-në se për organizim të votimeve jashtë Zyrës Ndërlidhëse të Serbisë në Prishtinë është e nevojshme një marrëveshje ndër-shtetërore dhe se kërkesa për një marrëveshje të tillë duhet të vijë nga Serbia si palë e interesuar.

Po ashtu, autoritetet kosovare bëjnë me dije se kryeministri i Kosovës ka shprehur keqardhjen para ambasadorëve të QUINT-it. për injorimin e thirrjes së tij ndaj Serbisë.

“Ai shprehu keqardhjen e tij për mungesën e gatishmërisë se Serbisë për një marrëveshje të tillë që do të ju mundësonte shtetasve të Republikës së Kosovës që kanë edhe shtetësinë e Serbisë të marrin pjesë në zgjedhje sipas praktikave më të mira evropiane ndërshtetërore për votim nga jashtë vendit”, thuhet në njoftimin e Kryeministrisë.​

K.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A e forcon sigurinë dhe rolin e Shqipërisë baza e NATO-s në Kuçovë?



×

Lajmi i fundit

Përurohet shkolla e re “Bedri Llagami” në Vaqarr, Veliaj: Fillojmë lotin tjetër të shkollave në kryeqytet! Ministrja: Nga korriku, rritjen e konsiderueshme pagash për mësuesit

Përurohet shkolla e re “Bedri Llagami” në Vaqarr, Veliaj: Fillojmë lotin tjetër të shkollave në kryeqytet! Ministrja: Nga korriku, rritjen e konsiderueshme pagash për mësuesit