POP 5

Lajmet më të lexuara të 5 minutave të fundit

Kosova & Rajoni

Kurti në Estoni: Rrezikohemi nga aleatët e Rusisë, po minojnë dialogun Kosovë-Serbi

Kryeministri i Republikës së Kosovës, Albin Kurti në Samitin Global të 8-të të “Open Government Partnership” që po mbahet në Estoni tha se Kosova është e rrezikuar nga sulmet kibernetike që  mund të vijnë nga aleatët e Rusisë, të cilët po minojnë dialogun Kosovë-Serbi.

Kurti në Estoni: Rrezikohemi nga aleatët e Rusisë, po minojnë dialogun Kosovë-Serbi

Kurti në Estoni

Kryeministri i Republikës së Kosovës, Albin Kurti në Samitin Global të 8-të të “Open Government Partnership” që po mbahet në Estoni tha se Kosova është e rrezikuar nga sulmet kibernetike që  mund të vijnë nga aleatët e Rusisë, të cilët po minojnë dialogun Kosovë-Serbi.

Gjatë fjalës së tij, Kurti tha se kërcënimet kibernetike nga aleatët e Kremlinit po kthehen në një problem shqetësues dhe po intensifikohen nga dita në ditë.

“Në Kosovë, përpjekjet nga aleatët e Rusisë për të shtrembëruar të vërtetën, të kaluarën dhe të tashmen, janë të dukshme dhe po intensifikohen. Kur shteti ynë është i përkushtuar në procesin e ndërmjetësuar nga Bashkimi Evropian dhe Shtetet e Bashkuara për të normalizuar raportet me fqinjin tonë verior, Serbinë, por edhe për përfshirjen e plotë të minoriteteve në proceset demokratike të shtetit, pa ndikim nga jashtë, këto kërcënime kibernetike, sikurse dezinformimi, bullizimi kibernetik dhe forma të tjera janë veçmas përcaktuese”, tha Kurti.

Nuk është hera e parë që Kosova akuzon Serbinë se po vepron nën ndikimin e Rusisë për nxitjen e tensioneve në Kosovë.

Madje më herët është pretenduar se në veri të Kosovës po tentohet të zbatohet i njëjti skenar me atë të Ukrainës, duke paralelizuar anëksimin e krimesë me një plan të mundshëm për aneksimin e veriut të Kosovës.

Kryeministri i së Kosovës, Albin Kurti, së bashku me ministrin e Administrimit të Pushtetit Lokal, Elbert Krasniqin, udhëtuan mëngjesin e sotëm për në Tali të Estonisë, ku po mbahet Samitin Global të 8-të të Open Government Partnership.

M.T/SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

VIDEO/ Shqiptari hero bën xhiron e mediave në Britaninë e Madhe, shpëton gruan nga përmbytjet në Leicestershire (EMRI)

VIDEO/ Shqiptari hero bën xhiron e mediave në Britaninë e Madhe, shpëton gruan nga përmbytjet në Leicestershire (EMRI)

9 Janar, 22:49