Kurti në Vjenë: BE të liberalizojë vizat me Kosovën, të konsiderohet vend i sigurt për udhëtimet në union

Kurti në Vjenë: BE të liberalizojë vizat me Kosovën, të konsiderohet vend i sigurt për udhëtimet në union

Në samitin e Liderëve të Ballkanit në Vjenë, kryeministri Albin Kurti i ka bërë thirrje Bashkimit Europian që të liberalizojë vizat me Kosovën. Në fjalën e tij, Kurti bën me dije se ka vënë theksin në menaxhimit e pandemisë, duke kërkuar kështu që Kosova të konsiderohet një vend i sigurt për udhëtimet në BE.

Ndërkaq, kryeministri ka hedhur në tryezën e bisedimeve çështjen e dialogut Kosovë-Serbi për vendosjen e paqes midis dy vendeve dhe njohjen Kosovës.

"Kosova po e menaxhon mirë e me sukses pandeminë COVID-19. Mesatarisht kemi më pak se një person të infektuar në ditë për 100 mijë banorë dhe më pak se 10 raste aktive në 100 mijë banorë. Bashkimi Evropian do të duhej ta vendos Kosovën në mesin e shteteve të udhëtimit të sigurt lidhur me pandeminë COVID-19.

 Kosova me qeverisjen e mirë dhe demokratike ka nisur reformat në drejtësi dhe ekonomi. Besimi qytetar në institucione është shumë i lartë. Krahasuar me vitin e kaluar eksportet i kemi rritur për 66%, aktivitetin ekonomik (qarkullimin) për 15%, kurse të hyrat buxhetore për 30%. Kemi nevojë për më shumë investime, dhe kompanitë austriake janë të mirëseardhura e të dëshiruara.

 Kosova dhe Serbia të bëjnë një deklaratë të përbashkët të paqes me zotim për mos-sulmim, Serbia ta njohë pavarësinë e Kosovës dhe të ballafaqohet me të kaluarën, si dhe Kosova e Serbia të zbatojnë reciprocitetin sa i përket të drejtave të pakicave.

 Të hiqen vizat për Kosovën në mënyrë që qytetarët tanë të udhëtojnë lirshëm në vendet e BE-së, kurse gjashtë shtetet e Ballkanit Perëndimor të kalojnë nga CEFTA në SEFTA (Marrëveshja Evropiane për Tregti të Lirë me Evropën Juglindore) sipas shembullit të EFTA-EEA, pra siç e kanë Lihtenshtajni, Norvegjia e Islanda me BE-në", shkruan Kurti.


Lajmi kryesor:

Kancelari austriak mbledh liderët e Ballkanit Perëndimor, fokus integrimi i rajonit në Bashkimin Evropian


SI.E./Shqiptarja.com
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet