Kurti: S'mund të ketë kryetarë të rinj pa zgjedhje të reja! Nuk duhet presion ndaj Prishtinës për normalizim të situatës, por ndaj Beogradit 

Kryeministri i Kosovës, Albin Kurti, ka thënë të shtunën se nuk mund të ketë kryetarë të rinj në katër komunat në veri - Mitrovicë e Veriut, Zveçan, Zubin Potok dhe Leposaviq - pa zgjedhje të reja.

“Unë e kuptoj që zgjedhjet që janë mbajtur në veri të Kosovës kanë pasur dalje shumë të ulët dhe legjitimiteti është i vakët, mirëpo këta kanë pak legjitimitet, e ata të tjerët kanë aspak legjitimitet”, ka deklaruar Kurti.

LEXO EDHE:
Takimi në Bruksel për dinarin, Bislimi: I dështuar! Nuk pres bisedime të tjera për këtë temë

Sipas tij, gjithçka është duke shkuar drejt normalizimit dhe se kjo do të mund të bëhej edhe më shpejt “po të mos ishin pengesat e Beogradit”.

“Për t’u bërë normalizimi, adresa ku duhet të bëhet trysnia nuk është Prishtina, që është kryeqyteti i shtetit më demokratik, e me policinë më profesionale në Ballkanin Perëndimor, por është Beogradi, i cili duke mos u distancuar nga krimet e [ish liderit serb, Sllobodan] Millosheviqit”, ka thënë mes tjerash Kurti.

Lajmi kryesor:

Tensionet në veri, Kurti: Situata drejt normalizimit, presioni të bëhet ndaj Beogradit jo Prishtinës! Turqia planifikon dërgimin e trupave shtesë në Kosovë

TAG:
• KFOR
• turqi
• tensione ne veri te kosoves
• kosove