Kurti për marrëveshjen me Serbinë: Unë jam student i Demaçit, Vuçiç i Sheshelit, do jetë e vështirë

Kryeministri Albin Kurti ka thënë se Kosova dhe Serbia nuk do e kenë të lehtë të arrijnë në një marrëveshje. Ai tha se përplasja ndërmjet tij dhe presidentit serb ndodh, sepse ndryshojnë vizionet, si edhe trashëgimia që kanë lënë pas Adem Demaçi dhe Vojisllav Shesheli.

Kryeministri Kurti ka folur për një televizion në Bosnje dhe ka treguar që marrëveshja midis Serbisë dhe Kosovës nuk do të jetë e lehtë. Në një intervistë ai ka folur edhe për pikëpamjet dhe vizionet e ndryshme midis tij dhe presidentit serb, Vuçiç.

“Aleksandër Vuçiç, presidenti i Serbisë sot, është student politik i Vojisllav Sheshelit. Ndërsa unë, si kryeministër i Republikës së Kosovës, unë jam student politik i Adem Demaçit. Dhe ky ballafaqim, kjo përplasje ndërmjet kryeministrit të Kosovës dhe presidentit të Serbisë është në një mënyrë thelbësore, përplasje ndërmjet Adem Demaçit, atij vizioni dhe asaj trashëgimie, dhe Vojisllav Sheshelit.  Andaj unë e pranoj që marrëveshja ndërmjet Kosovës dhe Serbisë nuk do të jetë e lehtë, por megjithatë mendoj që duhet t’i jepet shanse dialogut dhe të shpresojmë e të punojmë për më mirë”, ka thënë Kurti në një intervistë për televizionin N1 të Bosnjës.

LEXO EDHE:
Kurti bisedë telefonike me kancelarin gjerman, kërkon mbështeje për anëtarësimin në KiE

Deklarata që kryeministri Kurti ka dhënë është shpërndarë edhe në faqen zyrtare të “Lëvizja Vetvendosje”.

 

F.D/r.k./Shqiptarja.com

TAG:
• Marreveshja Kosove Serbi per dokumentet
• vucic
• alexander vucic
• Albin Kurti