42 vjet nga vdekja e ish-Kryeministrit Mehmet Shehu, krahu i djathtë i diktatorit në Shqipërinë komuniste, bashkëpunëtor në krime, por edhe viktimë e pushtetit, Autoriteti për Informimin mbi Dokumentet e Ish-Sigurimit të Shtetit (AIDSSH) deklasifikon mbi 30 mijë faqe dokumente nga arkiva e ish-Sigurimit të, të cilat janë krijuar për të dhe familjarët e tij.
Vdekja tragjike e tij u pasua nga ajo e djalit Vladimir dhe bashkëshortes, Fiqerete Shehu. Të gjitha vdekje të errëta, me hijen e rëndë të dyshimit se ishin vrasje me urdhër nga lart, por që në dokumente zyrtare u paraqitën si vetëvrasje.
Deklarimet e mbledhura, mes të cilave dallohen edhe teza e hedhura nga vetë strukturat e pushtetit për të lëshuar sa më shumë mjegull mbi të vërtetën, një mjegull që ende nuk është daravitur pas katër dekadash mister mbi vdekjen tragjike të ish-Kryeministrit të vendit, gjenden në dokumentet e deklasifikuara së fundmi dhe janë gati të vihen në shërbim të studiuesve.
Përveç dokumenteve të proceseve hetimore e gjyqësore të gruas dhe fëmijëve të ish-Kryeministrit, dokumentet që deklasifikohen mbajnë informacione të krijuara nga Drejtoria e Parë e ish-Sigurimit të Shtetit në lidhje me aktivitetin e ish-Kryeministrit, komente rreth vetëvrasjes, regjistra të internim-dëbimeve, të krijuara pas vdekjes së Kryeministrit, në janarin e vitit 1982 dhe të mbyllura në vitit 1990.
AIDSSH, thotë se, “për ish-Kryeministrin ka 18 volume me dokumente ndërsa për gruan e tij 5 volume.”
Për historiografinë komuniste Mehmet Shehu, Kryeministri i Shqipërisë prej më shumë se 3 dekada besnik i partisë, u kthye brenda natës në agjentin e disa agjenturave të huaja. Nga kjo ngjarje kanë kaluar 42 vjet.
Për të është shkruar shumë, ish-drejtues të strukturave të Policisë Sekrete të kohës kanë nisur të flasin me siguri për vrasjen e tij, e megjithatë misteri vijon.
“Heqja e sekretit nga këto dokumente, 30 vjet pas rënies së komunizmit është një nevojë historike që ndihmon historianët dhe publikun të kuptojnë më mirë të shkuarën e errët. Autoriteti inkurajon studiuesit të njihen me këto dokumente dhe t’i ballafaqojnë ato me dëshmi dhe dokumente nga arkivat e tjera, brenda dhe jashtë vendit.”, shkruhet në njoftimin për shtyp të AIDSSH-së.
Por çfarë përmbajnë dokumentet e deklasifikuara për vrasjen e Mehmet Shehut?
Mes 30 mijë faqeve të deklasifikuara janë disa nga mendimet e diplomatëve të përfaqësive perëndimore, të cilët janë survejuar nga ish-Sigurimi i Shtetit. Bisedat e bëra mes tyre i shoqëron shqetësimi se nuk po tërheqin dot konkluzione të sakta mbi shkaqet e ngjarjes dhe dilemat e tyre ia komunikojnë shtetasve shqiptarë me të cilët mbanin kontakte pune e shërbimi.
“Kush e vrau Mehmet Shehun?”, “Pse e vranë Mehmet Shehun?”, “Po familjen e tij ku e çuan?”
“Është me të vërtetë misterioze vdekja e tij. Ai qëndroi pranë Enver Hoxhës për 40 vjet me radhë. Mendoj se Shehu duhet të jetë studiuar dhe ndjekur nga persona me influencë të madhe në Byronë Politike, të cilët kane mundur t’i mbushin mendjen Enver Hoxhës se Shehu kërkon të marrë fuqinë. Këto janë mendimet e mija personale, në fakt gjëra konkrete nuk di. Ai ka qenë një nga luftëtarët më të mëdhenj të rezistencës këtu, ndërsa këtë kërkojnë ta trajtojnë atë si një njeri që s’ka ekzistuar fare. Nuk organizuan asnjë manifestim zyrtar në kujtim të tij veç po pastrojnë muzetë dhe Muzeun Kombëtar që u hap së fundi…”
“…Një gabim i Shehut ishte se ai u orientua shumë nga perëndimi për zhvillimin e ekonomisë e të kulturës shqiptare. Sot mendimi i diplomatëve të perëndimit është se në marrëdhëniet e Shqipërisë me shtetet e perëndimit, do të ketë ulje të dukshme…”, janë disa nga mendimet e diplomatëve të përfaqësive perëndimore, të cilët janë survejuar nga ish-Sigurimi i Shtetit.
Ndërkohë edhe populli zinte nga kjo vetëvrasje, siç e propagandonte qeveria komuniste. Po çfarë mblidhte nga populli Policia Sekrete? Në një raport dërguar Komitetit Qendror thuhej se: “Disa persona bëjnë supozime se: “Mehmet Shehu ka kryer shkollën e Fultzit dhe duhet të jetë rekrutuar që në atë kohë, prandaj kjo punë i ka rrënjët e thella…”
“Mehmet Shehun e vranë kundërshtarët e tij, për të eliminuar një nga një të vjetrit. Këta flasin për unitetin, por në fakt unitet nuk kanë, po bëhet luftë e ashpër për pushtet…“
Komente
Lajme të tjera
-
Kineastë dhe gazetarë të njohur nga Britania dhe Gjermania 'zbarkuan' në arkivin e ish-Sigurimit të Shtetit
20 Shtator, 22:20 -
Rreth 15 mijë shqiptarë u arratisën në diktaturë! Et'hem Fezollari: Ne si familje e kishim vendosur, ose vdesim të gjithë, ose jetojmë të lirë të gjithë!
28 Gusht, 15:51
-
Kujtimet e ish-presidentit Alfred Mosiu. Kur gjeneral Prodani, i tha Mehmet Shehut: Mos na godisni Shokët!
26 Gusht, 21:15 -
Autoriteti i Dosjeve firmos marrëveshje bashkëpunimi me Shoqatën "Çamëria", ekspozohen 105 Dosje
31 Maj, 19:04 -
Lidhjet me Sigurimin/ Sula: Kandidatët të vetëdeklarohen! Certifikata e pastërtisë, kriter për garën elektorale
21 Maj, 18:18
-
Historia e panjohur e krimit që tronditi udhëheqjen e lartë të PPSH-së: Përse e vrau Harap Miloti, eprorin e tij, dhe si e mbylli regjimi komunist atë ngjarje të bujshme…
11 Maj, 12:45
-
Si u arratis Et’hem Fezollari ‘para syve’ të Enver Hoxhës! ‘Shkelësit e kufirit’ në Juglindje, ekspozohen dosjet! Viti ‘90, vrasjet në kufi kundër ligjit të Ramiz Alisë
8 Maj, 17:40
-
Përplasja ime me Mehmet Shehun për naftën shqiptare! Si i shpëtova nga vdekja ata që më kundërshtuan edhe përballë ish-kryeministrit
21 Prill, 21:03
-
Lekë Tasi sot 95 vjeç, AIDSSH propozon titull nderi për rezistencën dhe dinjitetin njerëzor
15 Prill, 21:02 -
Dëshmia/ 'Kur Gjinishi ndërpreu Enverin, duke i thënë po ty kush ta ka dhënë të drejtën ta shesësh Shqipërinë, Mehmet Shehu nxori pistoletën...'
10 Prill, 19:21
-
Autoriteti i Dosjeve verifikoi 232 zyrtarë, 14 në dokumentet e ish-Sigurimit të Shtetit! Raporton mungesën e bashkëpunimit të partive
8 Prill, 15:52 -
E përgjuar deri në vdekje, Baçi, Orhani e Bulku rrëfejnë dosjen dramatike e ditarin e Drita Çomos: Bashkëpunëtorë të ish-Sigurimit dhe shokët 16-vjeçarë të klasës!
6 Prill, 12:00
Kriminelin Mehmet Shehu nuk mund ta vriste dot kush pervecse me autorizim te kryekriminelit Enver Hoxha. "Luftetari" i madh u rekrutua si gjithe shoket nga operativi i OSSE ne Tirane Harri Fultz. Fultz erdhi ne Shqiperi sapo u zbuluan vendburimet per nafte dhe gaz ne Kucove dhe pasoi vrasjen e kontraktorit amerikan nga API italian. Kuptohet, Zog I i dha koncensionin APIt. Gjate dhe pas L2B Fultz ishte shefi i stacionit te OSSE qe u shendrrua me pas ne CIA ne Rome. Por koha e Mehmetit ne sherbim qe e shkurter. Ai shkoi ne Spanje dhe atje u rekrutua nga KGB e cila po ashtu e dinte lidhjen e tij amerikane. Sigurisht qe Mehmet e kishte bere me dije shokun e tij te ngushte Enver per Fultzin dhe aktivitetin e tij ne Spanje. Por Enveri kishte nevoje per nje krah te armatosur per organizaten e tij kriminale. Te dy sunduan 40 vjete. Pse e vrau??? E thjeshte. Mehmeti kish kohe qe vepronte si trashgimtari i fronit enverist. Femijet e tij , sidomos "shkrimtari" Skender sla bordello ne Suedi e gjetke. Apo soj e sorollop i "tepelenasve" qe kishin mberthyer shtetin. Si sot me Ramen. Pse? Sepse me gjasa Nexhmija dhe Ramizi ndjene qe nje Mehmet i tille mund edhe ti shperfillte a me keq ti shfaroste familjet kundershtare si te tyret. Dhe e kapen mat me fejesen me "armikun" duke e bindur Enverin qe kjo sillte cenimin e "vijes" se partise ose vijes se tyre. Aq donte shoku Enver dhe e degjeneroi per 24 ore. Me gjithe ckishte. Njesoj edhe sot. Kur Rama psh "vret" hajdut Ben Ahmetin apo Koken e me radhe.
PërgjigjuO Z.ILO TI QE I DITKE TE GJITHA NA THUAJ NDONJE GJE EDHE PER KRYEBANDITIN berisha - KARAXHIXH ,SE KA BERE SHUME E ME SHUME KRIME SE TE GJITHE SE BASHKU