Që SPAK-u dhe kreu i saj Altin Dumani, po godasin fort korrupsionin dhe krimin e organizuar, kjo nuk vihet në dyshim. Që SPAK-u, po “trazon” ujërat” e rrjetit të korrupsionit në Shqipëri, dhe ka prishur edhe qetësinë e grupeve kriminale, edhe kjo nuk mund të mohohet. Por ajo që, më habit jo vetëm mua, por edhe çdo shqiptar, mbetet fakti se, SPAK-u deri sot ka “goditur” vetëm majtas.
Pra, duket sikur korrupsioni dhe krimi i organizuar, lindi dhe u zhvillua vetëm pas 2013. Duket sikur para atij viti, gjithçka qenë “qelibar”, duket sikur nuk ka ekzistuar korrupsioni, duket sikur nuk ka ekzistuar krimi, trafiqet, grupet kriminale, vjedhja dhe grabitja e pronave dhe milionave të taksapaguesve shqiptarë. Jo, kjo ndoshta ka qenë edhe më e theksuar se pas 2013.
Të mos harrojmë se, organizmat ndërkombëtare nga 2009 deri 2013, bënin thirrje të vazhdueshme qeverisë shqiptare, ish-kryeministri Berisha dhe organeve të drejtësisë, për të ndëshkuar krimin, korrupsionin, shkeljen e të drejtave të njeriut, grabitjet e pronave në bregdet, dhe ndryshuar situatën e krijuar. Bashkimi Europian dhe SHBA, bënin thirrje të vazhdueshme për “ndëshkimin e korrupsionit që kishte mbërthyer ministrat, zv.ministrat, drejtoritë, ligjvënësit, dhe shkëputjet e lidhjeve të tyre me grupet kriminale”.
Por thirrjet e tyre asokohe, binin në veshin e shurdhër. Atëhere, me plot të drejtë sot, lind pyetja, pse SPAK-u nuk mund të hapë dosjet akoma të nxehta të një ‘mali” me dosje korruptive të ish-qeveritarëve të kësaj opozite, që sot kërkojnë sërish pushtetin ? Përse dhe kush e pengon SPAK-un, të nisë me guxim dhe kurajo hapjen e dosjeve të korrupsionit, dosjeve të ish-ministrave dhe ish-pushtetarëve vendorë dhe qëndrorë të periudhës 2005-2013?
Edhe ata janë po aq të pasur nga ish-ministrat e arrestuar të kësaj qeverie, madje më milionarë se ata. Edhe ish-ministrat e Foltores, madje dhe ish-kryeministri i saj, janë po aq të akuzuar, madje jo vetëm nga organet kompetente në Shqipëri, por edhe ato amerikane, britanike, etj. Atëhere, edhe sa kohë do ti duhen SPAK-ut, të vendosë nisjen e hetimeve dhe ndëshkimin edhe të atyre që sot kapardisen majë vilave, resorteve dhe makinave 200 mijë euroshe, dhe “përbetohen për drejtësinë, begatinë e popullit dhe demokracinë”. “Ligji është i barabartë për këdo”, dhe ndëshkimi ligjor vonon por nuk harron. Kjo duhet ta udhëheqë kreun e SPAK-ut dhe prokurorët e asaj strukture kurajoze, për ti dhënë shqiptarëve shembullin e mirë të paanësisë, dhe barazisë para ligjit.
Nuk mund të bëjmë sikur “kemi harruar gjithçka ka bërë qeverisja e Berishës në 8 vite”, dhe të merremi me “ç’ka po bëjnë pushtetarët e sotëm”. Dyshimi mbi të vërtetën, nis kur drejtësia “harron” të shkuarën. Dosjet e korrupsionit, trafiq eve dhe krimit të organizuar 2005-2013, duhen nxjerrë nga “vrimat” dhe sirtaret, ku janë futur nga prokurorët dhe gjyqtarët e Plepave. SPAK-u, duhet të tregojë se nuk ka asnjë ndikim politik, ndryshe do të lëkundë besimin tek shqiptarët.
Komente
Lajme të tjera
-
Ylli Pata: E marta e kiametit...
23 Nëntor, 19:52
-
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
'Të rezistojmë, të ngremë krye', Salianji letër nga burgu, kërkon drejtësi për Martin Canin: Asgjë nuk vjen vetë! Aq më keq po t’ia lësh në dorë kryeministrit
23 Nëntor, 17:59 -
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35 -
Jorida Tabaku: Socialistët i trajtojnë pensionistët si grup elektoral dhe i gënjejnë për vota! Ata meritojnë dinjitet dhe vlerësim
23 Nëntor, 15:44 -
Pas 7 refuzimesh, Berisha s'heq dorë! Këmbëngul për liri në Gjykatën e Lartë
23 Nëntor, 15:41
-
Dumani ‘indiferent’, Blushi e sulmon sërish: SPAK po i garanton imunitetin qeverisë e bandave! Arrestimi i Metës banditesk
23 Nëntor, 14:43 -
Zgjedhjet 2025/ Bardhi: Betejë për jetë a vdekje! Në Kuvend, gratë deputete shpesh herë më shumë luftarake se burrat
23 Nëntor, 14:08 -
Megjithë përpjekjet dhe ndihmën e përfaqësuesit grek, PD nuk arrin ta përfshijë Sali Berishën në rezolutën e PPE-së
23 Nëntor, 12:17 -
Disa përfundime pas intervistës së Altin Dumanit
23 Nëntor, 12:07
-
Avokatët e dosjes 'Metamorfoza' reagojnë pas intervistës së Altin Dumanit: Sqarim lidhur me vlefshmërinë e të dhënave të SkyECC
23 Nëntor, 12:05 -
Fisniku Dumani
23 Nëntor, 12:03
Po syte qe te te dalin ty!po ku e shikon goditjen e SPAK-ut majtas ti o derdimen?Ketu ka 10 vjet eshte bere dhe po behet kerdia ti na tregoke goditje majtas!sherbetor rilindas!
PërgjigjuSali Berisha i duhet Edi Rames ne Kuvend si gogol per te trembur votuesit.
PërgjigjuDuke lënë Berishët të pa prekur!
PërgjigjuAkoma jane ne fuçi 65% e plepistave qe jane ne drejtesi!ato kane fuçine per te penguar marrjen e opozites per krimet qe i kane bo ketij vendi
Përgjigju