Në arkivin e mediave zvicerane (ku përfshihen edhe shkrimet e disa mediave të mëdha gjermane) gazeta greke «Eleftheri Ora» është cituar katër herë: më 1981, më 1985, më 1986 dhe më 2015. Në të shumtën e këtyre teksteve kjo gazetë quhet fletushkë ultrankonservative apo e ekstremit të djathtë. Në shkrimin e vitit 2015, të botuar në një gazetë rajonale zvicerane, citohet një titull nga "Eleftheri Ora": "Putin, na shpëto". Për gati 40 vjet "Eleftheri Ora" është cituar katër herë nga mediat e Zvicrës (dhe ato gjermane) dhe përherë në kontekst negativ: dëshmi më serioze se bëhet fjalë për një gazetë joprofesionale greke vështirë se mund të gjesh.
Sipas disa portaleve të Tiranës dhe Prishtinës gazeta "Eleftheri Ora" ka botuar një listë me emrat e gazetarëve dhe figurave të tjera të jetës publike shqiptare, të cilët marrin para nga shteti grek. Lista është stolisur edhe me shuma: filani mori 30 mijë euro, kolegu i tij 20 mijë, ky 10 mijë, ajo 5 mijë. Në listë janë futur edhe këngëtarë të estradës (kushedi përse) dhe ndonjë politikan i parëndësishëm i lagjeve të Tiranës. Në botën virtuale shqiptare, sidomos në Kosovë, shpërtheu euforia: ja, më në fund, edhe një konfirmim i asaj që e kemi ditur përherë se "ata të Shqipërisë" s’janë gjë tjetër veçse argatë të Greqisë, ndërsa shqiptarët e Kosovës – patriotë që s’flenë 24 orë, sepse janë në shërbim të atdheut. Blla, blla, blla.
E vërteta është kjo: "Eleftheri Ora" është një gazetë antisemite, ultranacionaliste dhe manipuluese greke. Në faqet e saj botohen tituj antisemitë si: «Ata (politikanët, v.j.) po ua shesin shtëpitë tona hebrenjve dhe emigrantëve ilegalë» ose «Parlamenti grek u bë sinagogë hebraike», pasi në ndërtesën e parlamentit ishte vendosur një pllakë përkujtimore për anëtarët e parlamentit grek të vrarë gjatë Holokaustit. Në shënjestër të kësaj gazete greke janë edhe myslimanët. Andaj nuk janë të rrallë titujt si: «Islami i ka shpallur luftë Europës», «Antikrishti do të vijë nga islami», «Masakrimi i europianëve nga islamo-fashistët sapo filloi: në Greqi po vjen ferri».
"Eleftheri Ora" (në shqip: ora apo çasti i çlirimit) është një gazetë minore greke. Botues i gazetës është Grigoris Michalopoulos, lider i partisë së ekstremit të djathtë Aleanca Nacionale. Emri i Grigoris Michalopoulos përmendet edhe në një skandal të përgjakshëm. Sipas revistës gjermane "Der Spiegel" industrialistët grekë, pronarët e anijeve dhe botuesit e gazetave me vite të tëra kanë paguar para për të shpëtuar nga terrori i grupit majtist "17 nëntori" (17N). Ky grup ka vrarë mbi 20 njerëz, por në arkivin privat të magnatit të çelikut Dimitris Angelopoulos familjarët e tij gjetën dëshmi se ai ishte shantazhuar. Sipas dokumenteve dhe fletëpagesave, Angelopoulos kishte paguar para për të shpëtuar kokën nga banditët e "17 nëntorit". Në të vërtetë Angelopoulos ishte me gjasë viktimë e një sistemi të shantazhimit dhe pas këtij sistemi dyshohej se qëndronte ultranacionalisti Grigoris Michalopoulos, botues i "Eleftheri Ora". Ai dyshohet se kishte shantazhuar në emër të organizatës "7 nëntori". Angelopoulos mendonte se duke paguar ishte i sigurt. Në vitin 1986 ai u vra nga guerila urbane majtiste "17 nëntori", e cila nuk dinte për sistemin e shantazhimit në emër të saj.
Mediat shqiptare duke e cituar "Eleftheri Ora" dhe listën e saj me gazetarët shqiptarë të "paguar nga grekët" nuk kanë treguar profesionalizëm. Përkundrazi: sipas të gjitha gjasave vetëm është riprodhuar propaganda e ultranacionalistëve grekë – gjë që, fatkeqësisht, nuk është risi në mediat shqiptare: shpesh në Kosovë, për shembull, citohen mediat më të pista të Beogradit, të cilat bëjnë garë me lajme senzacionaliste, antishqiptare dhe joetike. Shpërndarja e propagandës së një gazete greke dëshmon se jo të gjitha redaksitë që ofrojnë lajme në gjuhën shqipe kanë respekt për lexuesit dhe ndonjëra prej tyre ndoshta edhe mendon se shqiptarëve mund t’u hidhen përpara lajme si lopëve sana e kalbur nga shiu./TemA/
Komente
Lajme të tjera
-
Enver Robelli: Në një botë plot me mishngrënës, vegjetarianët e kanë shumë të vështirë
12 Nëntor, 16:37
-
Enver Robelli: Vjena në vend të Vitisë, Gjeneva në vend të Gjakovës
10 Nëntor, 20:15
-
Enver Robelli: I djersitur në Bejrut
30 Tetor, 08:38
-
Enver Robelli: Kush janë 7 komandantët e vrarë të Hezbollahut?
8 Tetor, 08:44
-
Enver Robelli: Pleqtë e Putinit
24 Shtator, 09:09
-
Enver Robelli: 32 gola edhe për integrimin e shqiptarëve në Zvicër
30 Gusht, 09:26
-
Një vatër e agjentëve rusë
10 Korrik, 13:26
-
Një uragan i pandërprerë si dhuratë për botën
3 Korrik, 08:08
-
Enver Robelli: Para syve të botës në shërbim të Putinit
18 Qershor, 08:32
-
Enver Robelli: 21 vjet, një premtim të cilit më 2024 nuk i beson gati askush në Ballkan
11 Qershor, 09:02
-
Një valë ekstreme gjithandej Evropës, zgjedhjet për PE dërgojnë mesazhe shqetësuese deri në Ballkan
10 Qershor, 10:25
-
Enver Robelli: Plaka që i nervozon të gjithë
2 Qershor, 08:33
me vjene keq qe dy komentuesit ketu fraiku dhe proka nuk kane kuptuare asgje....ose sduane te kuptojne
PërgjigjuPo armiku mundohet ne cdo forme te beje buje per te arritur qellimet,ne rastin konkrete ata qe u shiten do duhej te denoheshin pa marre parasysh jane persona politike apo private,gazetare apo redaktore.Tradhtia pastrohet vetem me gjake. Me te mira
Përgjigju17 Nentori ishte organizate e ekstremit te majte. Qe ketu ky investigim gazetaresk calon ne llogjiken e tij. Per te tjerat zoterinjte e politkes, medias dhe artit mund te prononcohen duke bere trasparence te pasurise dhe investimeve te tyre. Ne fund te fundit te gjithe jemi subjekt tatimi keshtuqe nuk cenohet privatesia, aq me teper kur behet fjale per figura publike.
Përgjigju