Shqiptari Armando Pacani, i arrestuar më 29 korrik në Dubai, si kreu i një grupi kriminal të trafikut të drogës nga Brazili drejt Europës, por i bërë me dije nga Interpol vetëm në ditët e fundit, fshihej në atë që quhet si “parajsa e kriminelëve” në Emiratet e Bashkuara Arabe i kamufluar si biznesmen, CEO i një kompanie metalesh, kur në fakt negociatat i bënte për trafikun e tonelatave të drogës.
40-vjeçari me origjinë nga Tirana, është i martuar me një grua gjermane dhe prej kohësh ka jetuar në Brazil. Nga hetimet atje rezulton të ketë trafikuar 17 tonë drogë, që kapin vlerën e 3.8 miliardë dollarë, e cilësohej një nga shitësit më të mëdhenj të kokainës në Europë. Droga fshihej në kontejnerë me ngarkesë të ligjshme, pa dijeninë e pronarëve të mallit, ose lihej në anije peshkimi.
Një nga dërgesat që u sekuestrua nga marina franceze pranë Sierra Leones, në nëntor 2022, mbante 4.6 tonë kokainë, në rreth 100 valixhe. Pacani ishte koka e gjithçkaje, që nga blerja, magazinimi, dërgimi në port, e deri te destinacioni final në kontinentin e vjetër. Nga zbërthimet e aplikacionit “SkyECC” njihej me nofkat “Albanês” që do të thotë “Shqiptari”, “Forbes” dhe “Globe”. Lavdia e aksioneve të tij u ndërpre kur u fut në listën e të kërkuarve gjatë operacionit “Hinterland”, në mars 2023. Organizata trafikonte kokainë me shtrirje nga Brazili, deri në Dubai.
Hetimi që solli operacionin “Hinterland” filloi në mars 2021, pas një sekuestrimi të 316 kg kokainë në Hamburg të Gjermanisë. Pas konfiskimit të drogës, u identifikua një furnizues paraguaian, i cili po merrte kokainën e prodhuar në Bolivi dhe vende të tjera dhe po hynte në Brazil përmes Ponta Porã. Droga më pas transportohej me kamionë në Santa Catarina dhe Río Grande do Sul, ku ngarkesat ruheshin në kompanitë e organizatës kriminale pranë porteve të Río Grande dhe Itajaí.
Nga atje ngarkesat u kontaminuan në dërgesa të ligjshme, në bashkëpunim me menaxherët e logjistikës, për t’u dërguar në kontinentin evropian. Ndërkohë, në Europë ishte përgjegjës për shpërndarjen në vende të ndryshme të rajonit shqiptari Pacani.
Lajme të tjera
-
Mbante 8 kg kokainë në banesë, arrestohet biznesmeni shqiptar në Itali! I gjenden 80 mijë euro cash, monedha floriri dhe koleksion i rrallë
6 Gusht, 13:47 -
E fshehur në kontejner me banane nga Ekuadori në Greqi, sekuestrohet kokainë me vlerë mbi 1 milion euro në portin e Pireut
5 Gusht, 21:20 -
Nga banda e ‘Diabolikut’ te prangat në Dubai, merr fund arratia për ‘mbretin e narkotikëve’, Dorian Petoku! Si u arratis nga qendra e rehabilitimit në Itali
2 Gusht, 09:42 -
Goditet rrjeti i trafikut të drogës nga Ekuadori në Europë! ‘Koka’ e organizatës Dritan Gjika
1 Gusht, 14:43 -
Operacioni ‘Revanshi’/ Autoritetet në Dubai thonë se kanë ndaluar Marklen Hakën! Policia shqiptare i dërgon të dhënat biometrike
31 Korrik, 21:06 -
Greqi/ Shkatërrohet banda e drogës, kapen 23.4 kg heroinë e marijuanë dhe 60 gr kokainë! 6 të arrestuar, mes tyre 2 shqiptarë
31 Korrik, 18:10 -
‘Kokainë e mbështjellë me lëvozhga arrash e kikirikësh’, arrestohen 2 shqiptarët me drogë në vlerë 83 mijë euro
29 Korrik, 16:31 -
‘Spaçatorit’ i prishet ‘terezia’! Momenti kur kapet 'mat' duke përgatitur kokainën (VIDEO)
27 Korrik, 13:25 -
U kërkua ekstradimi në Korenë e Jugut, Gjykata e Lartë rrëzon kërkesën e Prokurorisë! Gjermani Stephan Morgenstern mbetet në Shqipëri
25 Korrik, 16:59
-
Fier/ Në kërkim nga Italia për trafik droge! Arrestohet me qëllim ekstradimin 33-vjeçari
25 Korrik, 11:33 -
Shiste drogë në lokalet e natës në Sarandë, pranga të riut nga Tirana! U kap me kokainë në makinë
20 Korrik, 19:23 -
Shëngjin/ I kërkuar për trafikun e 110 kg kokainë, arrestohet 39-vjeçari me qëllim ekstradimin në Itali
19 Korrik, 13:37
