Presidenti Ilir Meta ka pritur në një takim, Sylviane Muselier, motrën e “Trëndafilit të bardhë”, Mbretëreshës Geraldinë. Takimi është zhvilluar në ambientet e presidencës.
" Tirana sot duket më e bukur nga vizita e një zonje të jashtëzakonshme, Sylviane Muselier, motra e “Trëndafilit të bardhë”, Mbretëreshës Geraldinë. Dashuria e saj e madhe për Shqipërinë, e konkretizuar edhe me ndihma humanitare e mjekësore për fëmijët e njerëzit në nevojë, mbetet përherë një burim frymëzimi. Shumë i lumtur të dëgjoja nga miqtë e saj francezë se nderimi i figurës së Mbretëreshës Geraldinë vijon të inkurajojë francezët dhe europianët të ndihmojnë dhe promovojnë Shqipërinë", shkruan Meta.
Muselier njihet për kontributin në ndihme të fëmijëve të sëmurë e familjeve shqiptare në nevojë. Më herët, në dhjetor të 2017 ajo u dekorua nga presidenti me dekoratën “Nënë Tereza”, për veprat e saj bamirëse, por edhe për promovimin e imazhit dhe vlerave të rralla të Shqipërisë e shqiptarëve në Francë
![](https://shqiptarja.com/template/img/NO_ALFA_Kuadrate shqiptarja.png)
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)