POP 5

Lajmet më të lexuara të 5 minutave të fundit

Opinion

Kush i ndau shqiptarët për festat?

Sikur të mos kishte probleme dhe objektiva të tjera për të realizuar për vendin, qeveria e Partisë Demokratike e ardhur me votën e 22 Marsit 1992, gjënë e parë që bëri, ishte ndryshimi i datës së çlirimit. E bashkoi atë me 28 Nëntorin, duke festuar “dy gëzime në një ditë”.

Kush i ndau shqiptarët për festat?

Sali Berisha

Sikur të mos kishte probleme dhe objektiva të tjera për të realizuar për vendin, qeveria e Partisë Demokratike e ardhur me votën e 22 Marsit 1992, gjënë e parë që bëri, ishte ndryshimi i datës së çlirimit. E bashkoi atë me 28 Nëntorin, duke festuar “dy gëzime në një ditë”. Historiografët militantë të Partisë Demokratike, (që kanë futur duart edhe në arkiva) nxituan çuditshëm të ndanin festat e shqiptarëve, me arsyetimin banal se “29 Nëntori ishte çlirimi i ish-Jugosllavisë”. Po ashtu ata e motivuan ndryshimin edhe me “kërkesën e ish-të përndjekurve politikë, të cilët sipas tyre “kërkonin të vihej në vend drejtësia historike e vendit”.

Prej atij viti dhe deri sot, shqiptarët u ndanë, disa festojnë 28 Nëntorin si datë e Pavarësisë dhe e Çlirimit të Shqipërisë, kurse pjesa tjetër që natyrisht është shumicë, i feston të dyja. Madje, hipokrizia e Sali Berishës arrin deri atje sa, në 28 Nëntor shkon edhe tek varrezat e Dëshmorëve të Atdheut, vendos edhe kurora, edhe pse ka mohuar veprën, gjakun dhe jetën e tyre. Ka patur raste kur Berisha, në 28 Nëntor, nuk ka përmendur fare dëshmorët e LNÇ, por ka ngritur në peidestal bashkëpunëtorët e pushtuesit. Njeriu që mori pushtetin duke mashtruar shqiptarët, synimin kryesor në lëmin e historisë e ka patur, ti ndajë ata, ti përçajë, të fusë frymën e urrejtjes klasore, krahinore dhe politike.

Dhe ja ka arritur disi qëllimit. Edhe sot pas 32 vitesh, shqiptarët ndjehen të dyzuar, të festojnë 28 Nëntorin si dita e Pavarësisë dhe Çlirimit, apo ti ndajnë ato nga njëra-tjetra. Natyrisht pjesa dërrmuese e shqiptarëve, ja kuptuan hilenë Berishës, dhe nuk pranuan të përdhosin datat festive të Kombit. Por ai arriti që ti ndajë dhe përçajë për një kohë të gjatë ata. Edhe sot e kësaj dite në Parlament, Berisha nuk ndalet së futuri frymën e përçarjes krahinore.

Ai mbetet njeriu që sistematikisht, ka ndarë dhe ndan, Veriun nga Jugu i vendit. Këtë e deklaron kur përmënd investimet duke deklaruar se “Rama investon në Jug dhe jo në Veri”, këtë e bën edhe kur vjen 28 dhe 29 Nëntori. Ai e urren ditën e çlirimit të vendit, ashtu siç urren dhe përdhos jetën dhe veprën e Dëshmorëve të Atdheut. Për Berishën, “dëshmorë” janë bashkëpunëtorët e fashizmit dhe nazizmit, apo desantët e ardhur pas 1994, janë ata që u vranë në betejat e LNÇ në krah të italianëve dhe gjermanëve, me arsyetimin banal se “ishin antikomunistë të kulluar”.

Valën e urrejtjes ndaj 29 Nëntorit dhe Dëshmorëve të Atdheut, Berisha e mbajti gjallë jo vetëm sa ishte presidenti i vendit, që nuk la bashkëpunëtor të pushtuesit pa dekoruar, por vazhdon ka kultivojë atë edhe sot. Ai mbetet njeriu që i fryn pa ndalim, urrejtjes dhe përçarjes kraninore të shqiptarëve.E ka mision të paracaktuar, të dëmtojë vlerat dhe kontributet e atyre që u skalitën në historinë e Shqipërisë prej 1912 deri në 29 Nëntor 1944, ditën e çlirimit të plotë të vendit nga nazizmi.

K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Tabakhone: 28/11/2022 14:45

    Jo i ndau I katranosi

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46