Shtëpia e Ramazan Hasalliut
Ramazan Hasalliu, rreth 50 vjeç mbeti viktimë e shkëmbimit të zjarrit mes dy grupeve kriminale në Kavajë, ku sapo kishte blerë bukë dhe po kthehej në shtëpi. Hasalliu, baba i tre fëmijëve, dy vajzave dhe një djali, kishte më shumë se 40 vjet që jetonte në Kavajë. Vitet e fundit ai punonte roje nate në një biznes private. Ramazan Hasalliu sapo kishte blerë bukë në një furrë buke rreth 10 minuta larg lokalit ku ndodhi përplasja e armatosur, kur mori një plumb teksa kaloi në rrugën aty pranë.
Furra pranë lokalit ku ndodhi përplasja
Ndërkohë furra e bukës shumë pranë lokalit, aty ku u qëllua Hasalliu, (por jo ajo ku 50-vjeçari kishte blerë bukën) është një biznes i falimentuar, i mbyllur prej kohësh, dhe për ironi i fatit, i vetmi biznes aty pranë që kishte kamera sigurie.
Banorët e zonës e quajnë një fatkeqësi të madhe, dhe thonë se 50-vjeçari Hasanliu ishte një njeri i qetë dhe pa konflikte.
Pas tragjedisë, familja Hasalliu ka hapur dyert e mortit ndërsa nuk pranuan të prononcoheshin për mediat. Edhe vëllezërit e përfshirë në ngjarje nga dy grupe të ndryshme, vëllezërit Haka dhe Dedeja nga njëra anë dhe dy vëllezërit Aliu nga krahu tjetër, i kishin shtëpitë pranë lokalit ku ndodhi ngjarja e rëndë.
Lajmi kryesor:
Luftë mes dy grupeve në Kavajë, vritet kalimtari me bukë në dorë, 7 plagosen, kapet njëri nga autorët (Emrat+Pamjet)
