Me anë të një postimi në Facebook, analistja nga Kosova Besa Shahini ka njoftuar se është emëruar si zëvendësministre e Arsimit në kabinetin qeveritar.
Ajo ka deklaruar se është e lumtur dhe e nderuar për këtë post të dhënë nga qeveria e Shqipërisë.
Shahini ka shtur se këtë post e sheh si thellim të bashkëpunimit ndërmjet Kosovës dhe Shqipërisë.
“Kryeministri Rama sot më emëroi zëvendësministre të Arsimit në qeverinë shqiptare. Ndihem e nderuar që puna ime e deritanishme në fushën e arsimit vlerësohet si aset në qeverinë e Republikës së Shqipërisë. Shpresoj që kontributi im të çojë tek përmirësimi i mëtutjeshëm i shkollave dhe arsimit në Shqipëri. Marrë parasysh që standardet e arsimit shqip vendosen në Tiranë, arritjet atje domosdoshmërisht do të ndikojnë në përmirësimin e arsimit në Kosovë dhe vendet e tjera shqipfolëse në rajon. Punën time në Shqipëri e shoh si thellim të bashkëpunimit mes Kosovës dhe Shqipërisë dhe tejkalim të kufijve në interes të përfitimit të përbashkët të shqiptarëve- thuhet në statusin e analistes Besa Shahini.
Mediat kosovare shkruajnë se pjesë e qeverisë Rama do të jetë edhe Valbona Shujaku, e cila do të mbajë postin e zëvendësministres së Kulturës.
Gjithashtu në postin e zëvendësministrit të Turizmit dhe Mjedisit me shumë gjasa do jetë Hajrulla Çeku, i cili ka marrë dhe urimet e para për këtë post nga miqtë e tij në rrjetet sociale.
Redaksia Online
N.M/Shqiptarja.com
![](https://www.shqiptarja.com/template/img/sh_logo1.png)