'Kush ka zaptuar bregdetin, le t'i prishi vetë', pas paralajmërimit të Ramës, IKMT nis nesër operacionin, do prishen 15 objekte në Velipojë dhe 30 në Ksamil

'Kush ka zaptuar bregdetin, le t'i prishi vetë', pas paralajmërimit të Ramës, IKMT nis nesër operacionin, do prishen 15 objekte në Velipojë dhe 30 në Ksamil

Inspektorati Kombëtar i Mbrojtjes së Territorit do të nisë ditën e hënë operacionin për prishjen e objekteve pa leje në zonën bregdetare të vendit. Operacioni do të fillojë njëherësh në dy zona të ndryshme, Ksamil dhe Velipojë, duke vijuar më pas në drejtimet respektive me prishjen e objekteve zonë pas zone.

Objektet variojnë nga 1 deri në 5 kate, me struktura beton-arme dhe të lehtësuara. Në zonën e Velipojës janë planifikuar të prishen rreth 15 objekte të tilla, ndërsa në Ksamil rreth 30.

Në prag të nisjes së operacionit, kryeinspektori i IKMT Ajet Zyberi tha se nuk do të ketë asnjë tolerim.

"Nuk do të tolerojmë asnjë shkelje ligji. Nuk do të tolerojmë asnjë që toleron shkelësit e ligjit", tha Zyberi.

Më herët edhe Kryeministri Edi Rama paralajmëroi ndërtuesit dhe pronarët e objekteve që t'i shembin vetë, pasi në të kundërtën, pasojat do të jetë të rënda. Mbrojtja e Territorit dhe zbatimi rigoroz i Kodit Penal për aktivitetet e paligjshme, nga ndërtimet pa leje tek prekja e pyjeve, lumenjve, liqeneve dhe zonat e mbrojtura natyrore e kulturore, për kryeministrin Edi Rama do të jenë prioritet për Policinë e Shtetit, njësoj si lufta ndaj krimit të organizuar e korrupsionit. 

/SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • vjeshta: 07/06/2021 00:01

    Nuk e kuptoj,pse Bashkia i lejon ti ndërtojë, dhe shpenzimet për prishjen e piastrimin e vendita i paguajmë ne?! Unë do të gjobisja kryebashkiakët. Sepse ajo sorra e Shkodres merr lekët për lejimin e ndërtimit të tyre. Por populli shkodranë ka atë që meriton. Deri kur të votojë PD.

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet