TIRANE - Drejtori i përgjithshëm i Policisë së Shtetit Ilir Proda, e cilësoi situatën rrugore në Shqipëri më të mirë se vitet e kaluar, por sërish sipas tij, jo në nivelin që duhet të ishte.
Gjatë analizës së policisë rrugore për vitin e kaluar, Proda u kërkoi efektivëve që të mos përqendrohen në sasinë e gjobave, por të ndëshkojnë ata që përfshihen në ngjarje të rrezikshme rrugore.
“Shërbimi i Policisë Rrugore duhet të jetë model, në performancë, në komunikim, në profesionalizëm dhe në ndjenjën humane për të ndihmuar përdoruesit e rrugës në nevojë. Nuk dua sasi masash administrative dhe cilido nga ju që do t’i masë treguesit e punës me sasinë e masave administrative, automatikisht do ta lëviz nga detyra. Dua cilësi në punë dhe të ndëshkoni ata që vërtet janë rrezik për përfshirje në ngjarje rrugore, ata që xhirojnë gomat dhe shkaktojnë ndotje akustike duke u kthyer në shqetësim për qytetarët. Ata drejtues automjetesh që parkojnë mbi trotuare, duke penguar lëvizjen e këmbësorëve dhe të nënave me karroca me fëmijë, si dhe ata që parkojnë në rrugë, duke penguar lëvizjen e lirë të automjeteve.
Ai ka kërkuar nga strukturat e Policisë Rrugore, reagim të menjëhershëm, angazhim dhe përkushtim më të madh, për të parandaluar ngjarjet rrugore dhe për të ndërhyrë në ato akse ku ka më shumë ngarkesë.
Në fokus të shërbimeve të Policisë Rrugore të jetë evidentimi dhe ndëshkimi i atyre drejtuesve të automjeteve që qarkullojnë me shpejtësi mbi normat e lejuara, që arrijnë deri në tri herë mbi normën e lejuar, atyre që kryejnë parakalime të gabuara, përdorin celularin gjatë drejtimit të automjetit dhe të atyre që drejtojnë automjetet, në efektin e alkoolit apo në gjendje të dehur.
Këto janë detyra prioritare për të gjitha shërbimet e Policisë Rrugore dhe për ju shefat e sektorëve dhe të Komisariatit të Policisë Rrugore. E gjithë Drejtoria e Policisë Rrugore duhet të jetë në detyrë, në krye të shërbimeve dhe jo të komandoni nga zyrat.
Proda tha se pret më shumë përmirësim të parametrave të sigurisë rrugore, shërbim sa më cilësor, që ta ndiejnë ndryshimin përdoruesit e rrugës dhe kjo nënkupton etikë në komunikim,"ndjekje me përparësi të procedurave të aksidenteve, monitorim më të mirë të qarkullimit dhe sidomos të akseve rrugore që janë pranë shkollave."
Ndër porositë që u la efektivëve të rrugores janë dhe
Përfshijini nxënësit në fushata ndërgjegjësimi për përdoruesit e rrugës, pasi janë konstatuar shkelje të shumta dhe nga këmbësorët apo nga ata që qarkullojnë me biçikleta, monopatina e motomjete, kryesisht gjatë natës, pa pasur shenja dalluese (fosforeshente).
Të jeni më aktivë, më prezentë në media, e cila për hir të së vërtetës është treguar përherë e gatshme të mbështesë iniciativat e Policisë së Shtetit në të mirë të komunitetit, si dhe të rritjes së parametrave të rendit e sigurisë. Kush nuk do t’i përmbushë këto prioritete, do ta largoj pa hezitim nga strukturat e Policisë Rrugore.”
Analiza vjetore ka vijuar nga Drejtori i Departamentit për Rendin dhe Sigurinë Publike Drejtues i Lartë Rebani Jaupi dhe nga Drejtori i Drejtorisë së Policisë Rrugore Altin Qato, të cilët kanë analizuar me detaje të gjithë dinamikën dhe problematikat e ndodhura përgjatë vitit 2024 dhe për masat që duhen marrë për përmbushjen e detyrave të lëna nga Drejtori i Përgjithshëm i Policisë së Shtetit, për përmirësimin e sigurisë rrugore.
Komente
Lajme të tjera
-
Homazhet për Kryepeshkopin Anastas në Katedralen ‘Ngjallja e Krishtit’, ja si do devijohet qarkullimi nga sot deri të enjten
28 Janar, 08:55 -
Trafikonte armë për grupet kriminale, arrestohet në Kolumbi 33-vjeçari nga Tropoja! Tentoi të arratisej nga hoteli i ishullit ku qëndronte (EMRI+FOTOT)
27 Janar, 10:00
-
Ambasadori i Brazilit takon drejtorin e policisë Proda për të intensifikuar bashkëpunimin kundër rrjeteve të trafikut të drogës
23 Janar, 13:51 -
Petraj për 21 Janarin: Berisha s’i shpëton dot përgjegjësisë, të gjithë do merren të pandehur! Të analizohen personat në audio, u rikuperuan pamje nga serverat! Pse qëlloi Garda?
22 Janar, 19:06 -
Me shpejtësi të lartë dhe parakalime të gabuara, Rrugorja e Lezhës: 2053 gjoba gjatë janarit, 8 shoferë në pranga
22 Janar, 11:25 -
Kryepolici Proda takohet me ambasadoren e Japonisë: Prioritet lufta ndaj krimit kibernetik me teknologjinë e avancuar japoneze
21 Janar, 16:28 -
I dënuar në Itali për trafik droge, falsifikim dokumentesh dhe emigracion të paligjshëm, arrestohet me qëllim ekstradimin 50-vjeçari
20 Janar, 09:48 -
Reagon familja e policit Azbi Spahiu: Aludimet e pavërteta na rëndojnë, mos spekuloni! Situatë personale, nuk lidhet as me presionet dhe as me detyrën
19 Janar, 20:03 -
U vra në detyrë 2 dekada më parë, familja e dëshmorit Llambi Bardhi: Shteti të mos braktisë! Dënime më të ashpra kujt ngre dorën ndaj policisë
19 Janar, 14:54
-
“Marrëzia” që s’po merr fund për shqiptarët! Në 1 vit, 369 të arrestuar për poker e baste
18 Janar, 14:49
-
Ndeshja Shqipëri - Çeki, shefi i sigurisë federale të futbollit çek letër falenderimi Prodës
18 Janar, 14:48 -
Goditi me grusht Policin, arresohet 16 vjeçari në Vlorë
17 Janar, 13:32
Me hallexhi bejne si Luan me rrugaça rin si hajvan...
PërgjigjuKy eshte rast qe duhet hetuar! Te leshosh nje urdher te tille eshte prej analfabeti, se ligjin knuk e njeh.Eshte detyrim ligjor kur konstatohet shkelje te vendosi "gjobe". Si do e kuptoj polici kur duhet dhe nuk duhet?? Hajde drejtor hajde, edhe me krimin keshtu veproni, kur eshte shqetesues veproni, kur eshte vjedhje e vogel ose veper e vogel penale, JO! Kete nuk e kisha degjuar!
PërgjigjuMjer kush ju voton.
PërgjigjuErdhen zgjedhjet... tik tak tik tak
PërgjigjuSa te lexueshem jan ber tipik para zgjedhjeve.
PërgjigjuNa keni nxi jeten me gjobat ,jeni ber si bashkia dhe policia rrugore gjobvenesa per te mbush xhepat
PërgjigjuPo me po. ti i ke nga motorri duke te bere foto per gjoba. Keshillim ska fare
PërgjigjuDeri me 12 Maj mbajeni dorën, pastaj...
PërgjigjuDuket qart qe jan muhabete para zgjedhjeve, Se policia praktikisht esht vetem per gjoba sben gje tjeter
PërgjigjuPolicë rrugorë pa nivel të pa shkolluar, të ardhur nga fshatrat në qytet, per të dënuar, ju kerkojnë hesap në komisarjat sa gjoba kanë vënë, në rast të kundert kur planin se kanë realizuar,përsëri në punë edhe turnin tjetër sa më shumë gjoba ndaj qytetarve fare pa i këshilluar