Ajo që është vendosur në tryezën e PD së bashkuar për nisjen e kuvendeve në gjithë vendin po konkretizohet në bazën e opozitës.
 
Dega e partisë demokratike në Fier ka zhvilluar një bashkëbisedim të hapur me intelektualë por jo vetëm mbështetës të partisë demokratike por edhe ata me bindje të majta.
 
Kreu i kësaj dege Luan Baci është shprehur gjatë këtij bashkëbisedimi se thirrja e qytetarëve në këtë reagim ndaj qeverisë ka në themel votën e lirë si një e drejtë kushtetuese e patjetërsueshme në një vend demokratik.
 
Të pranishmit kanë shfaqur interes për këtë aksion dhe për pritshmëritë që ka e djathta për instalimin e Republikës së re.


dy.b/shqiptarja.com