TIRANË- Shqiptarja.com zbulon 16 pikat e një projektrezolute, e cila do të miratohet nga Kuvendi, për procesin e nisjes së negociatave për integrimin e Shqipërisë në BE si dhe mbi disa kushte për mbajtjen e konferencës së parë ndërqeveritare. Në dokument ritheksohet se procesi i negociatave dhe anëtarësimi mbetet objektivi madhor i Shqipërisë, ndërsa i kërkohet qeverisë të thellojë reformat integruese. Në projektrezolutë Kuvendi deklaron angazhimin që të bashkëveprojë dhe të monitorojë të gjitha institucionet e përfshira, të cilat kanë për detyrë plotësimin e kushteve për nisjen e bisedimeve.
Kushtet e thekura në projektrezolutë janë forcimi i luftës kundër korrupsionit dhe krimit, ndryshimi i ligjit për mediat sipas rekomandimeve të Komisionit të Venecias, zbatimin e reformës zgjedhore, transparencë në financimin e partive dhe fushatave elektorale, funksionimin e Gjykatës Kushtetuese dhe të Lartë, përfundimin e ngritjes së SPAK dhe Byrosë Kombëtare të Hetimit si dhe adresimin e rekomandimeve të Task Forcës të Veprimit Financiar (FATF) për forcimin e luftës kundër financimit të terrorizimit.
Në dokument, Kuvendi angazhohet të garantojë dhe të fuqizojë integritetin dhe pavarësinë e institucioneve kushtetuese si dhe të forcojë veprimtarinë diplomatike me parlamentet e vendeve anëtare të Bashkimit Evropian, në funksion të njohjes më të mirë të zbatimit të reformave.
-Projektrezoluta e Kuvendit të Shqipërisë për nisjen e negociatave
1. Përshëndet vendimin historik të Bashkimit Evropian për hapjen e negociatave të anëtarësimit me Republikën e Shqipërisë.
2. Vlerëson progresin e arritur në reformat që lidhen me integrimin evropian, të cilat mundësuan plotësimin e kushteve për hapjen e negociatave të anëtarësimit dhe vendimin përkatës të Këshillit të Bashkimit Evropian .
3. Rikonfirmon se procesi i negociatave dhe anëtarësimi me të drejta të plota në Bashkimin Evropian është objektivi madhor i politikës së jashtme së Republikës së Shqipërisë dhe kryeson axhendën e saj kombëtare, si një vend që synon dhe është i angazhuar plotësisht për konsolidimin e demokracisë, respektimit të parimeve të shtetit të së drejtës, të mbrojtjes së të drejtave dhe lirive themelore të njeriut dhe minoriteteve, të dialogut politik, të transparencës, të gjithëpërfshirjes dhe të ekonomisë funksionale të tregut, që përbëjnë vlerat e përbashkëta mbi të cilat është themeluar Bashkimi Evropian;
4. Rikonfirmon qasjen e tij se përparimi në procesin e anëtarësimit në Bashkimin Evropian të Shqipërisë bazohet në hartimin dhe zbatimin plotësisht të reformave transformuese dhe të pakthyeshme.
5. Thekson se dialogu konstruktiv politik brenda kuadrit institucional kushtetues është thelbësor, për konsolidimin e demokracisë funksionale dhe për procesin e anëtarësimit në Bashkimin Evropian.
6. Mori në dijeni për Planin e Veprimit për plotësimin e përparësive të përcaktuara në Përfundimet e Këshillit të Bashkimit Evropian të 25 marsit 2020
7. I kërkon Qeverisë dhe të gjithë institucioneve të tjera përgjegjëse që të konsolidojnë reformat e arritura dhe të thellojnë më tej reformat për plotësimin e përparësive të vendosura në Përfundimet e Këshillit të Bashkimit Evropian të datës 25 mars 2020.
8. I kërkon Qeverisë që të koordinojnë institucionet përgjegjëse dhe raportojnë në Kuvend një herë në tre muaj, mbi zbatimin e këtij e këtij Plani Veprimi.
9. Inkurajon zyrën e Kryenegociatorit të vijojë bashkëpunimin ndërinstitucional me qëllim paraqitjen objektive në institucionet evropiane dhe vendeve anëtare të Bashkimit Europian të arritjeve dhe përparimin e reformave të realizuar.
10. Angazhohet që të monitorojë zbatimin e Planit të Veprimit duke forcuar më tej veprimtarinë e organeve nëpërmjet të cilave Kuvendi ushtron përgjegjësinë e tij në procesin e anëtarësimit të Republikës së Shqipërisë në Bashkimin Evropian, si Komisioni për Integrimit Evropian dhe Këshilli Kombëtar për Integrimin Evropian, me qëllim forcimin e dialogut gjithëpërfshirës dhe rritjen e transparencës në këtë proces.
11. Angazhohet që të bashkëveprojë dhe të monitorojë me përgjegjësi të lartë të gjitha Institucionet e përfshira të cilat kanë për detyrë të marrim masat për trajnimin me përparësi të
gjatë kushteve prioritare si: zbatimin e reformës zgjedhore në përputhje me rekomandimet e OSBE/ODHIR, duke siguruar financim transparent të partive politike dhe fushatave elektorale; të siguroj vazhdimësinë e zbatimit të reformës në drejtësi, përfshirë sigurimin e funksionimit të Gjykatës Kushtetuese dhe Gjykatës së Lartë, duke marrë parasysh ekspertizën përkatëse ndërkombëtare, përfshirë opinionet përkatëse të Komisionit të Venecias; të ketë përfunduar ngritjen e strukturave të specializuara kundër korrupsionit dhe krimit të organizuar; të forcojë më tej luftën kundër korrupsionit dhe krimit të organizuar, edhe nëpërmjet bashkëpunimit me shtetet anëtare të BE-së dhe përmes plan veprimit për të adresuar rekomandimet e Task Forcës të Veprimit Financiar (FATF), si dhe amendimin e ligjit të medias sipas rekomandimeve të Komisionit të Venecias.
12. Angazhohet të garantojë dhe të fuqizojë integritetin dhe pavarësinë e institucioneve kushtetuese dhe të krijuara me ligj.
13. Angazhohet të forcojë ndërveprimin dhe veprimtarinë diplomatike me parlamentet e vendeve anëtare të Bashkimit Evropian, në funksion të njohjes më të mirë të zbatimit të reformave nga ana e vendeve anëtare dhe opinionit të tyre publik.
14. Angazhohet të vazhdojë të shqyrtojë me përparësi dhe në një proces të gjerë konsultimi, kuadrin ligjor që synon përafrimin e legjislacionit shqiptar me legjislacionin e Bashkimit Evropian si dhe të gjitha nismat të cilat janë pjesë e axhendës së anëtarësimit të Republikës së Shqipërisë, në përputhje me Kushtetutën dhe konventat ndërkombëtare..
15. I bën thirrje shoqërisë civile, grupeve të interesit dhe të gjithë aktorëve shoqërore të përfshihen në mënyrë përmbajtjesore në diskutimet e Këshillit Kombëtar të Integrimit Evropian dhe në platformat e tjera, në funksion të mirinformimit mbi këtë proces me përparësi madhore në interes të vendit.
16. Mbi bazën e arritjeve në zbatimin e përparësive kyçe të Planit të Veprimit, Kuvendi i Republikës së Shqipërisë inkurajon Bashkimin Evropian dhe vendet anëtare të tij në marrjen e vendimit për mbajtjen e Konferencës së parë Ndërqeveritare sa më shpejt brenda vitit 2020.
(Kliko këtu për lexuar Raportin dhe projektrezolutën e plotë )
Komente
Lajme të tjera
-
Gjykata Kushtetuese shqyrton më 27 dhjetor 'arrestin e shtëpisë' të Berishës, thërret dhe Kuvendin e SPAK në seancë
26 Nëntor, 14:26 -
Tabaku: Ka mbërritur pozicioni negociues për grup-kapitullin 6, të hënën Komisioni i Integrimit mbledhje me dyer të mbyllura!
26 Nëntor, 11:23 -
Buxheti 2025 kalon te 'Ligjet': 500 milionë lekë më shumë për zgjedhjet, 200 milionë lekë për SPAK, shtesa për sigurinë kibernetike dhe institucionet e Drejtësisë
25 Nëntor, 19:58 -
Kuvendi në seancë të posaçme, kryeparlamentarja e Çekisë: Mbështesim anëtarësimin e Shqipërisë në BE! Ka rol të rëndësishëm kundër ndikimit rus
25 Nëntor, 17:18 -
Integrimi, BE i kërkon Shqipërisë qëndrimin për Kapitullin 6! Pritet të hapet brenda vitit
25 Nëntor, 11:31 -
Dumani: Në filtër vendimet e Vetingut! Shqetësim gjyqtarët e prokurorët që janë në sistem, ka premisa që kryejnë akte korruptive! Me iniciativën tonë hetojmë të shkarkuarit
25 Nëntor, 10:48 -
Avokatët e dosjes 'Metamorfoza' reagojnë pas intervistës së Altin Dumanit: Sqarim lidhur me vlefshmërinë e të dhënave të SkyECC
23 Nëntor, 12:05 -
'Studio Live'/ Vendimi i GJK për Berishën, Haklaj: E quajti arrestimin të ligjshëm, unanim 8-0! Meta humbi burrërinë, kërkoi pasaportën! Faik Basha: Është më i frymëzuar se kurrë
22 Nëntor, 18:01 -
Ylli Pata: Pse shpërtheu bomba në PD pas vendimit të Kushtetueses
22 Nëntor, 17:58
-
Pse priti deri në fund Berisha, çfarë shpresonte?
22 Nëntor, 13:08
-
Gjykata Kushtetuese i rrëzoi ankimin, Berisha e sulmon: Trupë puçiste, vendimi pjesë e grushtit të shtetit! Njofton 26 nëntorin si protestën e radhës
22 Nëntor, 13:01 -
Dosja Partizani/ Berisha 326 ditë 'burg' në shtëpi, Bardhi i del në krah, i kërkon GJKKO-së: Hiqni 'arrestin shtëpiak'! Kryetari i PD-së mbrojti Kushtetutën, po e pengoni për fushatën
22 Nëntor, 12:02
Nje mga ato qe qeveria po i shet BE eshte edhe kompesimi i ish pronareve me pyje kullota livadhe gjerdhe kanale etj.
PërgjigjuPas 7 viteve e kenaqe
PërgjigjuKeni pas 30 vite ne dispozicion per plotesuar kushtet... dhe as qe ju interesojne ti plotesoni... tani meqe nuk ju hap kush deren pa i plotesuar, filloni me Lubime neper DW apo BILD qe ti shesim shqiptarve genjeshtrat e radhes...
PërgjigjuPo Çfare do luftoni ku onderdimene?? Sa kohe qe Braçja dhe Balla shesin vende pune kurr sdo keni besimin e njerezve
PërgjigjuNuk mund ta çoj Shqiperine drejt BE-s nje klase politike e degjeneruar ne thelbin e saj,e korruptuar plotesisht deri ne ekstrem,prej 30 vjetesh vrasese e pangopur jetesh e shpresash.VETEM KUR KLANSEKTI PS,PD,LSI TE SHKOJE PRAPA DIELLIT DHE TU MERRET PASURIA ATEHERE SHQIPERIA JONE KA LINDUR PER SE DYTI HERE.
Përgjigjurezoluta me llafe te bykura beni plot ju, por realiteti eshte se nuk beni asgje ne terren, keshtu qe mos harxhoi kot frymen
Përgjigju