POP 5

Lajmet më të lexuara të 5 minutave të fundit

Politikë

Kuvendi sherr për zgjedhoren, Meta i këshillon në distancë: Garantoni votën emigrantëve, lista realisht të hapura

Teksa Kuvendi iu rikthye normalitetit me debatin për Reformën Zgjedhore, kreu i Partisë së Lirisë Ilir Meta i kërkon nga selia e partisë palëve të garantojnë votën e diasporës

Teksa Kuvendi iu rikthye normalitetit me debatin për Reformën Zgjedhore, kreu i Partisë së Lirisë Ilir Meta i kërkon nga selia e partisë palëve të garantojnë votën e diasporës.

Ai thotë se problemi real i zgjedhjeve është inkriminimi i qeverisë.

‘Partia e Lirisë mendon se problemi themelor, në çështjen e zgjedhjeve është pikërisht, inkriminimi i qeverisë në të gjitha proceset zgjedhore.

Padyshim I vërtetuar, nga të gjitha raportet, sidomos ai i zgjedhjeve të 25 Prillit, zgjedhjeve të fundit parlamentare dhe i zgjedhjeve të fundit të 14 Majit vendore, të cilat, nuk janë adresuar aspak deri tani, dhe në mënyrë të qëllimshme.

Përsa i takon objektivave tona, absolutisht Partia e Lirisë, për të garantuar urgjentisht votën e emigrantëve, sepse praktikisht janë ata që po mbajnë Shqipërinë dhe familjet shqiptare.

Janë ata që po mbajnë prindërit e tyre që i kanë këtu, me ato pensione skandaloze dhe të afërmit e tyre. Janë ata që po goditen edhe më shumë nga kursi kriminal I deformuar I euros dhe dollarit me lekun.

Dhe natyrisht, që ne do të bëjmë çdo gjë për të garantuar votën e tyre, në zgjedhjet që po vijnë.

Së dyti, absolutisht Partia e Lirisë ka qenë gjithnjë për lista të hapura, dhe të hapura në mënyrë reale, jo me truke, që praktikisht nuk I shërbejnë përzgjedhjes, të vërtetë të qytetarëve, për deputetin, apo deputeten që ata preferojnë më shumë, brenda forcës politike të cilën ata e mbështesin, apo e votojnë.’- tha Meta.

M.Q./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Niku: 29/03/2024 17:29

    Keta duan te perzene jashte vendit edhe ata opozitare qe kane mbetur.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Studentët në Beograd sërish në rrugë, ndalen para Prokurorisë së Përgjithshme: Të luftohet për ligjin dhe rendin pa u ndikuar nga politika e korrupsioni

Studentët në Beograd sërish në rrugë, ndalen para Prokurorisë së Përgjithshme: Të luftohet për ligjin dhe rendin pa u ndikuar nga politika e korrupsioni

25 Dhjetor, 17:25 nga Arlind Isa