KVV: KQZ nuk ka votat të
ndryshojë udhëzimet

TIRANE - Koalicioni i Vëzhguesve Vendore ka raportuar sot, mangësitë e kësaj fushate elektorale, duke filluar nga ngërçi i KQZ-së, e cila është përpjekur të funksionojë edhe me katër anëtarë, por i është shmangur vendimeve që kërkojnë 5 vetë. Kësisoj, KQZ-ja nuk e ka ushtruar të drejtën e vet për të vendosur gjoba ndaj subjekteve që kanë bërë shkelje dhe nga e partive politike gjithashtu nuk ka pasur prova të forta që të faktojnë abuzimet dhe nuk i janë drejtuar KQZ-së që ajo të marrë një vendim për shkeljet.

Po ashtu, udhëzimet e KQZ-së i përkasin vitit 2009, sepse nuk ka fuqi vendimarrëse për t’i ndryshuar, në një kohë kur baza materiale për këto zgjedhje është e ndryshme. Psh, udhëzimi sesi do administrohen kutitë e materialeve zgjedhore dhe të numërimit; udhëzimi thotë që duhet të merret kutia e materialeve zgjedhore, kurse Kodi Zgjedhor thotë që kutia nuk duhet prekur.

Të dhënat që Koalicioni i Vëzhguesve Vendorë paraqiti sot janë pjesa e tretë e raportimit të tij për fushatën, e cila përfshin tashmë periudhën 24 maj -16 qershor 2013. Sipas bashkëdrejtuesit Dritan Taullahu, në raport që në fillim theksohet sërish, si në raportin e dytë, se fushata elektorale ka nisur shumë më herët se hapja zyrtare e saj. Ky fakt ishte shqetësues dhe ai ndaj edhe përsëritet.

Lidhur me partitë politike, vëzhguesit vazhdojnë të ushtrojnë të drejtën e ndërrimit të komisionerëve. Pavarësisht se deri në këto momente ato janë sipas ligjit, nëse vazhdohet me këtë tendencë, ku femrat janë duke u zëvendësuar me meshkujt, ditën e zgjedhjeve do të zhkohet me më pak se 30% komisionere femra.

Një çështje tjetër është vendosja e kasetave të partive politike në dispozicion të mediave, gjë që çon në humbjen e pavarësisë së mediave, veçanrërisht të atyre që nuk kanë kapacitete të mjaftueshme për të ndjekur fushatën. Një tjetër paralajmërim i Koalicionit ka qënë përdorimi i administratës shtetërore sërish. Më shqetësuesja është se ka pasur shumë pak reagim nga zyrtarët që akuzoheshin për përdorim të administratës ndërsa ai i organeve të drejtësisë ka qënë pothuajse inekzistent.

KOALICIONI REKOMANDON PLOTESIMIN E KQZ DHE RUAJTJES E KUOTES GJINORE

I rekomandohet KQZ-së të jetë plotësisht në administrimin e zgjedhjeve dhe monitorimin nga afër të situatës. Koalicioni i drejtohet KQZ-së që të marrë masa ndaj shkeljeve dhe shkelësve të ligjit dhe t’ia adresojë ato institucione përkatëse. KVV –ja i është drejtuar edhe partive politike, të cilat inkurajohen të plotësojnë KQZ-së me 7 anëtarë. Përsa i përket komisionerëve, partitë sugjerohen të zgjedhin njerëz të ndërgjegjshëm dhe jo militantë. Duhet që këta komisionerë të paraqiten në mënyrë korrekte në trainimet e afruara nga KQZ-ja. Ndërrimi i komisionerëve gjithashtu deri në momentin e fundit është një hap për të mos patur një komision të konsoliduar.

Redaksia online
(ar.sh/shqiptarja.com)

TAG:
• kqz