POP 5

Lajmet më të lexuara të 5 minutave të fundit

Sport

'Ky është qamet', tifozët të rebeluar për shpërbërjen e Luftëtarit: Bashkia të marrë masat, ku do t'i dërgojmë fëmijët?

Ekipi i Luftëtarit që sezonin e kaluar zbriti nga Superliga tani nuk ekziston më. As lojtarë, as trajner dhe as president. Kjo situatë ka revoltuarr tifozët të cilët thonë se ky është një qamet, ndërsa kërkojnë zgjidhje nga bashkia.

Në Gjirokastër duket se futbolli nuk ka ekzistuar kurrë. A thua se jo më larg se dy vite Luftëtari luajti në Kupat e Europës. Sezonin e kaluar ata ranë në kategorinë e parë, por tani nuk duken gjëkundi, pasi ekipi nuk ekziston.

Ekipi i Luftëtarit ka pësuar kolapsin më të më madh gjatë 90 viteve ezkistencë. Në këtë momente që po flasim ekipi i parë nuk ka as lojtarë as trajner dhe as president. E kanë braktisur dhe kanë ikur në drejtim të paditur. Në këto kushte tifozët e Luftëtarit kanë apeluar te bashkia e Gjirokastrës, që të ndërmarrë hapa konkret për ekipin.

E gjithë kjo situatë, në 90 vjetorin e klubit, ka trishtuar së tepërmi tifozët, të cilët kërkojnë zgjiedhje nga bashkia.

“Kemi kërkuar nga bashkia e Gjirokastrës, pasi i jemi drejtuar asaj sepse nuk kemi ku shkojmë tjetër. Rrezikohet emri i Luftëtarit, kërkojmë ekzkistencën e ekipit. Nuk ka më qamet, më të zezë. Nuk është vetëm ekipi i parë, por edhe moshat. Ku do t’i çojnë prindërit fëmijët? Nuk ka hata më të madhe se kjo që i bëhet qytetit. Basketboll jo dhe futboll jo. Futbolli ishte i fundit,”- u shpreh një tifoz.

Ndërkohë një tjetër deklaroi: “Ekipi i Lufëttarit na dhemb të gjithëve, sepse këtë gjendje nuk e dëshiron asnjë prej tifozëve. Ne duam që të kthehet në nivelin e kënaqshëm, që të gjithë sportdashësit dhe tifozët të kujtojnë ato vitet e arta.”

Sakaq një tjetër tifoz u shpreh: “Është detyra e bashkisë ta marrë sërish futbollin, ta trajtojmë me taksat e qytetarëve, që Gjirokastra të mos mbetet pa futboll.”

Bashkia, e cila zotëron 26% të aksioneve, ka premtuar një zgjiedhje afatshkurtër, por në kushtet aktuale asgjë nuk duket e besueshme. Nëse nuk ka një reagim të menjëhershëm, tani kur kampionati mund të nis nga momenti në moment, Luftëtari rrezikon t’i humbasë të gjithë ndeshjet në tavolinë 3-0 për mosparaqitje.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Arbër: 19/10/2020 20:10

    Ku është FSHF dhe ktyetari Duka, kjo nuk ndodh askund në bot? FSHF e bën Me qëllim këtë skandal...

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça