POP 5

Lajmet më të lexuara të 5 minutave të fundit

Politikë

KZAZ-të fillojnë punën pa opozitën, KQZ emëron shoqërinë civile

Komisionet zonale të zgjedhjeve kanë nisur punën pa përfaqësuesit e opozitës. KQZ ka emëruar në vendet bosh një përfaqësues nga shoqëria civile për të bërë të mundur zhbllokimin e punës. Report TV ishte sot në konstituimin e KZAZ-së 39 këtu në kryeqytet. 

Komisionet Zonale të Administrimit Zgjedhor  kanë nisur punën dhe janë konstituuar në për zgjedhjet e 30 qershorit.  Report TV ishte sot në mbledhjen e parë të KZAZ-së numër 39 në Tiranë, që është një nga 16 KZAZ-të e kryeqytetit. Krijimi i komisionit u ndoq nga anëtari i KQZ-së, Bledar Skënderi. 

“Sot është një moment i rëndësishëm, pasi nisin punën komisionet e niveleve të dyta. Sot sekretari i komisionit merr në dorëzim materialet zgjedhore. Meqë kjo KZAZ është me numër tek, kryetari i takon opozitës. Ndaj në mungesë të saj, ftoj anëtarët të propozojnë zëvendëskryetarin që i takon subjektit politik, Partia Socialiste”,-tha Bledar Skënderi. 

Por në KZAZ-në 39, si në të 90-të KZAZ-të në mbarë vendin, mungon gjysma e anëtarëve, atyre që Kodi Zgjedhor ja jep PD-së dhe LSI-së. Në mungesë të tyre, KQZ ka emëruar pas aplikimeve dhe përmes shortit një anëtar nga shoqëria civile, aq sa mjafton që mbledhjet të jenë të vlefshme. 

“Pas problematikës së njohur, të mungesës së propozimeve nga opozita, KQZ pasi ka bërë thirrje publike, ka caktuar përmes shortit një anëtar kryesisht nga shoqëria civile për të bërë të mundur vendimmarrjen e Komisioneve Zonale. Në KZAZ 39 është caktuar znj. Irisa Bilbilaj”,-tha Skënderi. 

PD dhe LSI nuk i kanë dorëzuar emrat e tyre të komisionerëve, por Kodi Zgjedhor ju lë atyre hapësirë që t’i sjellin emrat edhe në momente të mëvonshme përmes procedurës së zëvendësimit, nëse arrihet një marrëveshje politike. 
 

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Nga ulja 30% e taksës mbi ndërtesën, pezullimi i financimit të inceneatorit, Teliti prezanton 27 amendimet e PD për buxhetin e Tiranës

Nga ulja 30% e taksës mbi ndërtesën, pezullimi i financimit të inceneatorit, Teliti prezanton 27 amendimet e PD për buxhetin e Tiranës

18 Dhjetor, 16:28