Një lëkundje tërmeti me magnitudë 4.4 ballë është regjistruar sot 7 kilometra larg qytetit të Durrësit dhe epiqendra e tij ka qenë në detin Adriatik.

Ky tërmet që është ndjerë edhe nga banorët e zonës, ka ndodhur 37 kilometra larg kryeqytetit, por një pjesë e tij e ka ndjerë lëkundjen e tij.

Kjo ka bërë që banorët që jetojnë në pallate të larta të mbërthehen nga paniku, por lëkundjet kanë qenë vetëm për disa sekonda.

Sipas ekspertëve sizmiologë, tërmeti ka qenë vertikal dhe ka pasur një thellësi prej 2 kilometrash.

Deri tani nuk është raportuar për ndonjë problem apo dëm material.

Redaksia Online
(F.T/shqiptarja.com)