La për 40 minuta në makinë foshnjën e saj 4 muajsh, arrestohet 22-vjeçarja shqiptare në Selanik! Në pranga edhe shoqja që e shoqëronte për 'shopping'

Një nënë 22-vjeçare me origjinë shqiptare është vënë në pranga nga policia e Selanikut, pasi la në makinë për 40 minuta fëmijën e saj 4-muajsh.

Nëna e re së bashku me shoqen e saj 27-vjeçare kishin dalë për të bërë pazar në një dyqan në zonën e Pylaias në Selanik dhe për të mos e marrë me vete foshnjën e vogël e kanë lënë vetëm në makinë.

Fëmija ishte mbyllur në makinën e parkuar jashtë dyqanit, me dritaren gjysmë të hapur dhe ka qëndruar aty vetëm për më shumë se 40 minuta derisa një kalimtar e ka parë dhe ka njoftuar policinë.

Për këtë arsye oficerët e policisë në Selanikun arrestuan nënën 22-vjeçare të foshnjës  4-muajshe dhe mikeshën  e saj 27-vjeçare për ekspozimin e një të mituri në rrezik, të dyja me origjinë shqiptare.

M.T/Shqiptarja.com

TAG:
• Shqiperi-greqi
• greqi
• selanik