La skuadrën shkodrane për të shkuar në Amerikë, ja kush e zëvendëson Likën te Vllaznia

Agim Canaj, ish-trajneri i shumë skuadrave në Superligën shqiptare por edhe në kategoritë e tjera, do të jetë pasuesi i Hasan Likës te Vllaznia. Klubi shkodran ka njoftuar lajmin në fazen zyrtare, ku saktëson se Canaj fillimisht do të ketë kontratë deri në fund të sezonit.

Njoftimi

KF Vllaznia bën të ditur se në vendin e Hasan Likës, emëron në postin e trajnerit të ekipit të parë të Vllaznisë, z.Agim Canaj.
Eksperienca e tij e madhe në futbollin shqiptar, fakti që e njeh mjaft mirë Vllazninë dhe futbollin shkodran ngaqë e ka drejtuar edhe më përpara atë dhe po ashtu edhe dëshira e shprehur për t’u rikthyer sërish në krye të ekipit tonë, janë konsideruar elementë shumë të favorshëm për ta emëruar z.Canaj në këtë detyrë duke besuar se ai dhe skuadra do ta çojnë deri në fund punën e nisur nga trajneri i mëparshëm, për arritjen e objektivit që ajo ka.
KF Vllaznia bën të ditur se marrëveshja me Agim Canajn do të jetë fillimisht deri në fund të këtij sezoni, por më pas, bashkëpunimi mund të vazhdojë edhe për sezonin e ardhshëm.
KF Vllaznia i uron mirëseardhjen z.Canaj duke shpresuar që sëbashku të bëjmë gjëra të mira për skuadrën dhe klubin tonë.
KF Vllaznia

 

Ne.k./b.ha./Shqiptarja.com

TAG:
• Vllaznia
• hasan lika
• agim canaj