Përfaqësuesi i posaçëm i Bashkimit Evropian në dialogun Kosovë-Serbi, Mirosllav Lajçak, tha se në marrëdhëniet Kosovë-Serbi është krijuar një “situatë e re” që i ka ndryshuar “planet dhe temat” e vizitës së tij në Kosovë dhe Serbi. Kjo, pasi Qeveria e Kosovës, më 29 qershor, miratoi vendimin për mundësitë e riregjistrimit të veturave me targat e lëshuara nga autoritetet e Serbisë me targa RKS (Republika e Kosovës).
Qeveria e Kosovës, po ashtu, miratoi udhëzimin për kalimin e pikave kufitare me dokumente personale, sipas të cilit, të gjithë personat që kanë dokumente personale të lëshuara nga autoritetet e Serbisë, me të hyrë në territorin e Kosovës, do të duhet të pajisen me një certifikatë që i zëvendëson ato dokumente. Qytetarët e Kosovës, me vite, marrin një certifikatë që i zëvendëson dokumentet e tyre personale, kur hyjnë në territorin e Serbisë. Beogradi zyrtar reagoi ashpër ndaj vendimeve të Qeverisë së Kosovës, duke thënë se kryeministri i Kosovës, Albin Kurti, “po i kërcënon me luftë serbët në Kosovë”.
Përpara se të udhëtonte në Beograd, më 29 qershor, Lajçak ka qëndruar në Kosovë nga data 27 qershor, ku ka thënë se është duke punuar për përgatitjen e një takimi midis kryeministrit të Kosovës, Albin Kurti, dhe presidentit të Serbisë, Aleksandar Vuçiq. Lajçak përsëriti të enjten se vizita e tij në rajon ka pasur për qëllim përgatitjet për takimin e radhës të liderëve.
“Unë kam ardhur në rajon për t’u përgatitur për takimin e ardhshëm të krerëve dhe për të folur për përparimin dhe normalizimin e marrëdhënieve. Tani duhet ta zgjidhim këtë situatë”, tha Lajçak.
Deri më tash, Kurti dhe Vuçiq janë takuar vetëm dy herë, por pa bërë ndonjë përparim konkret në dialogun për normalizimin e marrëdhënieve.
Ky proces ka nisur qysh në vitin 2011, me ndërmjetësimin e Bashkimit Evropian dhe mbështetjen e Shteteve të Bashkuara. Duke reaguar ndaj vendimeve të Qeverisë së Kosovës, më 29 qershor, Vuçiq ka thënë se përgjigjja e Serbisë do të jetë e matur.
“Ne nuk do të ndërmarrim veprime ushtarake, por kërkojmë që të mos ua marrin pronat njerëzve dhe të mos i dëbojnë”, ka thënë ai.
Vuçiq, po ashtu, ka thënë se Serbia është e gatshme për dialog, por, sipas tij, pala kosovare nuk është. REL ka kërkuar koment nga Qeveria e Kosovës, në lidhje me deklaratat e Vuçiqit, por nuk ka marrë përgjigje ende.
Lajme të tjera
-
I dërguari i BE për dialogun Kosovë-Serbi: Jam optimist se ka përparime në disa tema
29 Tetor, 10:10 -
Dialogu Kosovë -Serbi/ Bislimi: Takimi me Petkoviçin në Bruksel pa rezultat në tema të rëndësishme! Lajçak takime dypalëshe me kryenegociatorët
24 Tetor, 18:00 -
Lajçak tentativa për të rinisur dialogun Kosovë-Serbi: Shpresoj që të ketë takime javët e ardhshme
7 Tetor, 15:35 -
Vuçiç krahason veten me Biden në OKB: Edhe unë mund të flas 20 minuta si ai/ Presidenti i Serbisë irritohet me thirrjet: Kosova, Kosova, Kosova
23 Shtator, 08:48 -
Deputetët dhe ambasadori i Hungarisë flasin për rëndësinë e anëtarësimit të Kosovës në KiE
16 Shtator, 14:44 -
Lajçak viziton Serbinë më 10 shtator
9 Shtator, 22:36 -
Pas bllokadës serbe, hapen të gjitha pikat kufitare në Kosovë! Sveçla: Ekstremistët e maskuar u larguan! Osmani: Serbia kërkon tensione me bandat kriminale (VIDEO)
7 Shtator, 07:37 -
Ministri i Jashtëm turk paralajmëron Kurtin: Prania e gylenistëve në Kosovë, shqetësuese për ne! Problemet Kosovë-Serbi zgjidhen me dialog
6 Shtator, 16:00 -
Lajçak paralajmëron vizitë në Prishtinë për dialogun Kosovë-Serbi
1 Shtator, 14:20 -
Lajçak: Kosova dhe Serbia ende nuk janë gati për normalizim të marrëdhënieve mes tyre
30 Gusht, 16:39 -
Kosovë/ Albin Kurti në SHBA për Konventën Kombëtare Demokratike
19 Gusht, 16:37 -
Borrell takohet me Gjuriçin, kërkon angazhim në normalizimin e raporteve Kosovë-Serbi
17 Korrik, 21:25
