POP 5

Lajmet më të lexuara të 5 minutave të fundit

Kronikë

Lajm i trishtë për bluzat e bardha, ndahet nga jeta mjeku Aleksandër Hoxha! Kolegët: Qofsh i parajsës mik i nderuar

Lajm i trishtë për mjekësinë shqiptare! Ndahet nga jeta papritur mjeku i njohur anestezisti, Aleksandër Hoxha. Lajmin e hidhur e ka dhënë Shoqata e Anestezistëve & Reanimatorëve të Shqipërisë në një postim në rrjete sociale, e cila nuk shkruan se cili ka qenë shkaku i vdekjes.

Lajm i trishtë për bluzat e bardha, ndahet nga jeta mjeku Aleksandër Hoxha! Kolegët: Qofsh i parajsës mik i nderuar

Aleksandër Hoxha

Lajm i trishtë për mjekësinë shqiptare! Ndahet nga jeta papritur mjeku i njohur anestezist dhe pedagogu i shquar i Fakultetit të Mjëkesisë Aleksandër Hoxha.

Lajmin e ka dhënë Shoqata e Anestezistëve & Reanimatorëve të Shqipërisë në një postim në rrjete sociale, e cila nuk bën me dije se cili ka qenë shkaku i vdekjes.

“Me dhimbje dhe hidherim te thelle njoftojme ndarjen nga jeta te kolegut dhe mikut prof.Aleksander Hoxha! U prehsh ne paqe profesor i dashur! Ngushellimet me te sinqerta familjareve dhe te afermve! Qofsh i parajses mik i nderuar”, shkruan Shoqata e Anestezistëve & Reanimatorëve.

Prof. Asc. Hoxha përfundoi studimet e larta me rezultate të shkelqyera në Fakultetin e Mjekësisë dhe u specializua në Anestezi – Reanimacion pas viteve 90‘. Profesori i ndjerë ka pasur mbi 30 vjet eksperiencë pune në këtë specialitet të vleresuar; 5 vjet në Shërbimin e Kardiokirurgjisë dhe 18 vjet në Shërbimin e Neurokirurgjisë dhe kudo ka shkëlqyer si profesionist dhe njeri. Me një eksperiencë të pasur 10 – vjeçare si pedagog i ftuar në lëndën e Farmakologjisë së Përgjithshme; në vitin 2005 filloi misionin e tij akademik si pedagog me kohë të plotë në fakultet dhe në shkollën e specializimit në Anestezi - Reanimacion. Pjesë e Shërbimit Universitar të Anestezi – Reanimacionit.

Gjatë karrierës se tij të gjatë, të përvijuar nga shkenca, modestia dhe humanizmi, profesori ka dhënë një kontribut të çmuar për përparimin e specialitetit të Anestezi - Reanimacionit dhe mjekësisë bashkëkohore në vendin tone. Ai ka qenë anetar aktiv i bordeve drejtuese të Shoqatës Kombëtare të Anestezi–Reanimacionit, Shoqatës Evropiane të Anestezisë (ESA), Këshillit Shkencor të Fakultetit të Mjekësisë dhe plot redaksive të periodikeve shkencore të njohur. Ai ishte autor i pesë monografive dhe teksteve mësimore për Anestezi – Reanimacionin; Farmakologjinë e Përgjithshme, trajtimin e dhimbjes dhe gjithashtu i dhjetra artikujve, kumtesave dhe referimeve shkencore brenda dhe jashtë vendit.

/B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?

Lajme të tjera



×

Lajmi i fundit

Në prag të sezonit veror, Kumbaro-prefektëve: Tolerancë zero për struktura betoni në plazhe, monitoroni qarqet tuaja

Në prag të sezonit veror, Kumbaro-prefektëve: Tolerancë zero për struktura betoni në plazhe, monitoroni qarqet tuaja

19 Prill, 12:14