Goditet grupi i kanabisit në Korçë, 7 persona në prangat e policisë, mes tyre edhe “koka” e bandës (Emrat+detajet)

Goditet grupi i kanabisit në Korçë, 7 persona në prangat e policisë, mes tyre edhe “koka” e bandës (Emrat+detajet)

Foto ilustruese

Policia e Korçës ka arrestuar 7 persona të dyshuar si pjesë e një grupi kriminal që merrej me shitje dhe kultivim narkotikësh.

Operacioni i zhvilluar në bashkëpunim me prokurorinë ka zgjatur disa muaj, ku me metoda speciale është bërë e mundur kapja e tyre.

Në pranga kanë rënë 7 persona, ku mes tyre është edhe një organizator i grupit.

Njoftimi i plotë:

Policia e Korçës në bashkëpunim me Prokurorinë e Rrethit Gjyqësor, pas një hetimi disa mujor ka goditur një grup kriminal në fushën e kultivimit të narkotikëve.

Operacioni është ndjekur me metoda speciale hetimi, përmes përgjimit, vëzhgimit, kamulfimit dhe agjentëve policor të atashuar në zonën ku ishte planifikuar të zhvillohej aktiviteti kriminal në fshatin Velçan. 

Hetimi intensiv, nisi me regjistrimin e çështjes në Prokurori dhe mbajtjen nën vëzhgim të personave të dyshuar që porositën dhe po merreshin në terren me mbjelljen dhe kultivimin e bimëve të kanabisit. 

Qëllimi ishte, ashtu siç u finalizua gjatë operacionit policor, të goditeshin jo vetëm kultivuesit, por edhe organizatorët dhe sponsporizuesit e këtij aktiviteti kriminal. 

Kështu janë arrestuar në flagrancë 7 shtetas dhe 2 u shpallën në kërkim, disa prej tyre të implikuar edhe më herët në kultivim dhe shitje droge. 

Ata janë:

· Selman Bitaj, 40 vjeç, i dënuar më parë për veprën penale “Prodhimi dhe shitja e narkotikëve”, (në rolin e organizatorit) 

· R.B, 17 vjeç,(kultivues)

· Poliksen Haxhiraj, 25 vjeç, (kultivues)

· Armand Pashollari, 30 vjeç, (kultivues)

· Jani Ibrahimllari, 49 vjeç,(kultivues) 

· Vendim Fejzaj, 27 vjeç, (kultivues)

· Ligor Fejzaj, 56 vjeç, i dënuar më parë për veprën penale “Kultivimi i bimëve narkotike”, të cilit iu gjet dhe sekuestrua një armë tip "Shotgun", pa leje (në rolin e rojes).

Gjithashtu u bë shpallja në kërkim dhe po punohet për kapjen e shtetasve:

· N.I, 36 vjeç,(organizator)

· E.Ç, 26 vjeç, të dy të dënuar më parë për veprën “Prodhimi dhe shitja e narkotikëve” (bashkëpunëtor në kultivim).

Në lidhje me këtë rast u bë ndalimi edhe i shtetasit Enver Pashollari, 59 vjeç, me detyrë Kryetar i fshatit Velçan, pasi dyshohet se ka shpërdoruar detyrën, duke mos raportuar veprimtarinë kriminale të shtetasve të mësipërm.

Gjatë operacionit u dokumentua veprimtaria kriminale e ushtruar në territorin e fshatit Velçan, Njësia Administrative Gorë, në të cilin u gjetën të kultivuara dhe u asgjësuan një sasi bimë të dyshuara Cannabis Sativa. 

Materialet në ngarkim të tyre i kaluan Prokurorisë të Rrethit Gjyqësor Korçë për hetime të mëtejshme.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Edi: 20/08/2018 20:55

    Nga emrat duken të gjithë fshatarë, prandaj xhaxhi fshatarëve nuk u jepte pashaportizim se ua njihte kokën..

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet