Nga Berlini, ku ndodhej bashkë me vetë Belinda Ballukun për të marrë pjesë në Forumin Global të Dialogut, kryeministri Edi Rama reagoi për herë të parë mbi lajmet se numrit 2 të qeverisë i është dërguar një fletëthirrje për tu paraqitur në SPAK të hënën e shoqëruar nga avokatët. 

Kryeministri Edi Rama i pyetur nga Deutsche Welle dha një përgjigje të përgjithshme, por pa mohuar nëse ajo është thirrur ose jo. Rama tha se nuk ka asnjë koment, përsa kohë qëndrimi i tij është se drejtësia ka punën e saj.

“Nuk kam asnjë koment për asnjë rast. Siç e kam thënë, ne kemi punën tonë, drejtësia punën e vet dhe deri kur çështje të caktuara marrin formën e tyre të prerë, të gjithë njerëzit janë të pafajshëm dhe janë të padënueshëm nga gjykata popullore e politike dhe e mediave që i shërbejnë politikës”-ishte përgjigja e kryeministrit Edi Rama nga Berlini ku mori pjesë në punimet e Forumit Global të Dilaogut.

Një ditë më parë, dhe SPAK i pyetur nga gazetarët dhe një përgjigje fare të shkurtër pa mohuar dhe pa konfirmuar rastin. "Prokuroria e Posaçme nuk ka asgjë për të ndarë me median".

Ndërsa opozita reagoi përmes kundërshtarit direkt të Belinda Ballukut në zgjedhjet e fundit, nënkryetarit të PD Gazment Bardhit duke ngritur dyshimin se zv/kryeministrja thirret për t’iu komunikuar statusi “e pandehur”. Por ai shtoi se zv kryeministrja mund të mos shkojë të hënën në SPAK, me justifikimin e pjesëmarrjes në një aktivitet ndërkombëtar në fillim javë.  

Vetë PD ka dorëzuar në SPAK 4 padi për Ballukun: për çështjen e tunelit të Llogarasë, shitblerjet e energjisë elektrike, panelet fotovoltaike dhe 2 anijet TEC të prodhimit të energjisë elektrike.

SI.E./E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • megi: 25/10/2025 21:32

    do shpetoj shqiperia ne momentin qe kjo shtriga do largohet nga skena politike

    Përgjigju
  • Sondazhi i ditës: 17 Janar, 12:58

    A jeni dakord me propozimin e Ramës për Kuvend me 100 deputetë?

Lajme të tjera