POP 5

Lajmet më të lexuara të 5 minutave të fundit

Kosova & Rajoni

Lajmi se SHBA do kthejë në Kosovë afganët që kanë lidhje me grupe terroriste, ambasada amerikane e mohon

Ambasada amerikane në Kosovë, përkatësisht Sektori për Diplomaci Publike, hedh poshtë lajmin e prestigjiozes ‘NBC News’, se SHBA do të kthejë në Kosovë afganët që dyshohet se kanë lidhje me talibanët ose grupe të tjera terroriste

Lajmi se SHBA do kthejë në Kosovë afganët që kanë lidhje me grupe terroriste, ambasada amerikane e mohon

Foto ilustruese

SHBA nuk do të kthejë në Kosovë afganët që dyshohet se kanë lidhje me talibanët ose grupe të tjera terroriste. Ky lajm i publikuar nga prestigjiozia ‘NBC News' është hedhur poshtë nga ambasada amerikane në Kosovë, përkatësisht Sektori për Diplomaci Publike. Kjo ambasadë, nëpërmjet një njoftimi për medie, ka sqaruar se një gjë e tillë nuk është e vërtetë, teksa ka bërë me dije se marrëveshja ndërmjet Kosovës dhe SHBA’së ka një numër të kufizuar qytetarësh afganë që do strehohen përkohësisht,

“Marrëveshja midis Shteteve të Bashkuara dhe Kosovës i lejon Shtetet e Bashkuara të strehojnë përkohësisht në kampin Bondsteel një numër të kufizuar qytetarësh afganë, aplikimet e të cilëve kërkojnë përpunim shtesë. Kjo mund të përfshijë detyra si: qartësimi i identitetit të aplikantëve, historinë e tyre të punësimit, ose lidhjet tjera me Shtetet e Bashkuara. Zyrtarë të Ambasadës Amerikane në Kosovë po ndihmojnë në këtë proces.

Shtetet e Bashkuara i janë mirënjohëse Kosovës për rolin e saj në ndihmën e kryerjes së detyrës së madhe të zhvendosjes së dhjetëra mijëra qytetarëve afganë për në Shtetet e Bashkuara dhe shtetet tjera, përfshirë partnerët e NATO -s, e që u kanë ofruar shtëpi të përhershme afganëve që janë në rrezik. Roli i Kosovës në këtë përpjekje është një mirënjohje për dhembshurinë dhe bujarinë e popullit të saj dhe për rolin në rritje të Kosovës në skenën globale”, thuhet ndër të tjera në komunikatë.

Ishte mediumi NBC News ai që ka raportuar me burime gjatë ditës së djeshme se dy afganë do të kthehen në Kosovë për rishikim të mëtejshëm, pasi që SHBA-ja ka dyshuar se mund të kenë lidhje me grupe terroriste.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ervini: 04/09/2021 19:46

    Po normal qe plehrat ne Shqiperi e Kosove do i lejne.

    Përgjigju
  • Sondazhi i ditës:

    Si ka qenë për ju viti 2024?

Lajme të tjera



×

Lajmi i fundit

Spahiu: Thirrja e Erjonit dhe Belindit në të njëjtën ditë në SPAK, politikë penale dhe jo profesionale

Spahiu: Thirrja e Erjonit dhe Belindit në të njëjtën ditë në SPAK, politikë penale dhe jo profesionale

26 Dhjetor, 22:50