Receta

Lakër e mbushur nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09 : 00 – 10 : 00.

Redaksia 1 Dhjetor 2022, 11:08 | Përditesimi: 1 Dhjetor 2022, 11:09

Lakër e mbushur

Përbërësit:

1 lakër
400 gr mish i grirë
1 kokërr qepë
2 thelpinj hudhër
1 lgj oriz
1 lgj koncentrat
1 degë selino
1 spec i kuq
5 lgj salcë domate
1 tufë majdanoz
Kripë, piper

Përgatitja:

LEXO EDHE:
Pulë e mbushur nga zonja Albana

Presim fundin e lakrës të cilin do ta përdorim si kapak për mbushjen. Pastrojmë pjesën e brendshme të lakrës për të krijuar hapësirën e duhur për të vendosur mbushjen.

Kaurdisim në një tigan me pak vaj ulliri qepën e grirë imët së bashku me 2 thelpinj hudhër. Sapo qepa të bëhet transparente shtojmë mishin e grirë dhe vazhdojmë kaurdisjen derisa mishi të përthithë të gjitha lëngjet. Shtojmë orizin, selinonë dhe specin e kuq të prerë imët, rregullojmë shijen dhe kripë, piper dhe pak koncentrat. Në fund shtojmë salcën e domates dhe e lemë kimën të marrë një valë të lehtë. E vendosim mbushjen brenda lakrës dhe pjesën që tepron e vendosim në anësore të tavës. Hedhim rreth 1 gotë ujë të ngrohtë dhe e mbulojmë tavën me një letër pjekje të lagur si dhe me letër alumini. E vendosim lakrën e mbushur të piqet në furrë të nxehtë.

MC/Shqiptarja.com

TAG: