POP 5

Lajmet më të lexuara të 5 minutave të fundit

Sociale

Lame:Shqipëria ka qenë parajsë
 për dylberat para komunizmit

LGTB zhvilloi një paradë ditën e dielë, për të drejta e komunitetit homoseksual. Artan Lame ka bërë një shkrim sot për këtë paradë, duke thënë se kjo paradë shkoi dëm, pavarësisht se organizatorët thanë se shkoi mbarë, duke qenë se nuk pati asnjë incident apo reagim pozitiv.
Lame:Shqipëria ka qenë parajsë<br /> për dylberat para komunizmit
LGTB zhvilloi një paradë ditën e dielë, për të drejta e komunitetit homoseksual. Artan Lame ka bërë një shkrim sot për këtë paradë, duke thënë se kjo paradë shkoi dëm, pavarësisht se organizatorët thanë se shkoi mbarë, duke qenë se nuk pati asnjë incident apo reagim pozitiv.

Sipas Lames, Shqipëria në fakt ka qenë një “parajsë” për dylberat, deri sa erdhi diktatura komuniste. Për këtë, ai thotë mjafton të kujtosh historitë që vijnë nga Elbasani dhe Kavaja.

“Për fatin e keq të të gjithë këtyre, shqiptarët as kanë qenë ndonjëherë homofobë. Ka qenë diktatura e tillë, por jo shqiptarët. Diktatura ishte homofobike, siç ishte fobike edhe ndaj çdo gjëje që dilte nga skema standarde e jetës së tharë nga çdo variacion, por jo shqiptarët. Të gjithë besoj e kujtojmë kur ishim të vegjël dhe nuk e pranonim që xhaxhi Enver të kishte fëmijë, sepse kjo do të thoshte që kishte bërë seks dhe asokohe edhe seksi kish filluar të ishte “gjë turpe” e jo më dylberllëku që ishte bërë turp me kohë e vakt. Vetë osmanët nuk ishin homofobikër. Perandoria Osmane, si të gjitha perandoritë, në vetë thelbin e tyre janë të hapura dhe liberale. Në veçanti pastaj, perandoritë e Lindjes e kishin edhe më të zhvilluar këtë tendencë homofilike, që s’del vendi këtu të shpjegohet pse e si. Historitë me dylberë e çuna të bukur, janë të pafundme në folklorin tonë, por u spastruan pa gjurmë pas viteve ’50. Historitë e Elbasanit e të Kavajës, edhe ato janë të pafundme në kujtesën tonë historike dhe folklorike, por u spastruan dhunshëm nga diktatura, duke u mbetur pas vetëm një kujtim i deformuar. Këngët e ashikëve e të dylberëve nuk numëroheshin, por u harruan se as që bëhej fjalë që të toleroheshin nëpër shfaqjet e festivalet folklorike të kontrolluara ideologjikisht nga ca injorantë të tjerë politikë të asaj kohe. Thotë njëra syresh: “Ç’po na vjen nji vark me vela, thon se ka manifaktur. Qenka mbush o me dylbera, Jalla zot shkarkofshin ktu”, shkruan Lame për 'Shqip'.

Ai thotë gjithashtu se myslimanët s’duhen vënë fare në heasp, ndërsa shoqatat pro LGTB, sipas Lames do të mbeten pa punë dhe fonde.

“Më vijnë ndërmend kujtimet e një bashkëkohësi që fliste për repartet kosovare të mobilizuara nga qeveritë kolaboracioniste të Tiranës në kohë të Luftës II Botërore. Ai kujton se gjatë kontrolleve që bënin nëpër shtëpi e banesa kundër partizanëve, ata (kosovarët pra) flisnin e kërkonin për çuna të bukur. Në fakt, te kosovarët komponentja myslimane dhe lidhjet me Turqinë ishin më të forta dhe kjo kujtesë ishte më e ndjeshme tek ata sesa midis shqiptarëve të këtejmë. Vetë fjala “bythë” deri në vitet ‘30­‘40 ishte fjalë normale e gjuhës, e përdorur pa ngarkesën emocionale të kohëve moderne. Bythëderr, në bythë të rrapit etj. E pra ky ka qenë mjedisi shqiptar i shekujve të fundit, i çlirët seksualisht, që notonte në një lloj homoseksualizmi naiv, të qenësishëm, por të paidentifikuar. Në këtë hesap, islamikët shekullarë a fetarë, që demek protestojnë kundër LGBT­ve, nuk duhen vënë fare në hesap. Ata nuk kanë kurrfarë lidhjeje historike dhe vijimësie me myslimanizmin tradicional shqiptar, por janë një segment i importuar i islamit të shpëlarë që sillet “copy paste” sot nga qendrat fundamentaliste të Lindjes. Mjafton që të zhduken apo reformohen ato qendra dhe automatikisht do të reformohen edhe këta myteberët tanë.

Pastaj s’do harruar se këta islamikët që shpallen kundër LBGT­-ve, janë në fakt edhe shpresa e fundit e tyre për mbijetesë. Kjo do të thotë se të gjitha shoqatat që kanë 20 e kusur vjet që marrin projekte europianësh për të drejtat e tyre, rrezikojnë të mbeten pa punë. Normalisht që këta do të duhej të gëzoheshin nga këto që po shkruaj unë, nga kjo lloj parajse e dikurshme e tyre në këto troje, por kjo ka një të keqe, i lë pa punë dhe projekte sot. Dhe për t’i dalë përpara kësaj parajse të padashur, kanë vetëm një udhë: bëhen agresivë, imponues, posesivë, arrogantë dhe detyrues. Agresivë, se po t’u thuash një fjalë, të hidhen në fyt; po të duash të thuash një mendim, të mbyllin gojën dhe të imponohen; po të mos ua varësh, e shtojnë zullumin duke dalë nëpër rrugë dhe duke u bërë gjithnjë e më provokativë; posesivë, se po tentove debat rrezikon të damkosesh; detyrues, se tashmë nuk mund të thuash më asgjë rreth tyre, se është e ndaluar me ligj. Unë sot rrezikoj të bëhem armik me të dyja palët. Edhe me LGBT­ mbrojtësit, se po ju heq bukën e gojës, edhe me miletin se po ju them se bën vaki t’i kenë pasur gjyshërit e stërgjyshërit qejflinj”, e mbyll shkrimin e tij Lame. 

Redaksia Online
(a.h/shqiptarja.com)

  • Sondazhi i ditës:
    11 Nëntor, 07:59

    A besoni se situata e pensionistëve do të ndryshojë?

Lajme të tjera



×

Lajmi i fundit

Lufta në Gaza/ Bombardime izralite në Rripin verior, humbasin jetën 16 palestinezë

Lufta në Gaza/ Bombardime izralite në Rripin verior, humbasin jetën 16 palestinezë

12 Nëntor, 08:26