POP 5

Lajmet më të lexuara të 5 minutave të fundit

Sociale

Larg 10 nipërve, gjyshja nga Korça: Mall të më thërrasin 'o nëna'...më duket sikur ua kam harruar fytyrën

Kohët e vështira kalohen më lehtë nën praninë e njerëzve të dashur. Por në luftën me COVID-19 ndodh e kundërta. Për të mbrojtur njëri-tjetrin duhet të qëndrojmë larg edhe pse kjo na sjell trishtim. Nënë Katerina është një ndër ata persona që po e vuan shumë mungesën e 10 nipërve dhe mbesave të cilët ka një muaj që nuk i ka takuar.

KORÇË- Kohët e vështira thuhet se kalohen më lehtë nën praninë e njerëzve të dashur, por në luftën me COVID-19 ndodh e kundërta.

Për t'i bërë ballë këtij armiku të padukshëm, për të mos rrezikuar askënd, sot të gjithë qëndrojnë të izoluar duke mos pasur mundësinë e për t'i qëndruar pranë njëri-tjetrit.

Të moshuarit janë kategoria më e rrezikuar nga kjo pandemi globale, por për t'i pasur pranë nesër, duhet të qëndrojmë larg sot. Gjyshe Katerina ka 10 nipër e mbesa nga 5 fëmijwt e saj, të cilwt i ka larg syve, por jo larg zemrës. Ajo ka më tepër se një muaj pa i takuar, pa i dhënë përqafimin e ngrohtë nga krahwt e gjyshes, e malli për ta është i pakufishëm.

"Që në 10 mars kam pa i takuar, ja po bëj një muaj. Më duket sikur dhe fytyrën nuk ia mbaj mend. Kam 4 vajza dhe një djalw edhe 10 nipër e mbesa dhe të kesh kaq e mos të kemi njeri . Të betohem që po fola në telefon me nipërit e mbesat nuk na zë gjumi gjithë natën, mendja vetëm te ata më rri", tha nënë Katerina.

Gjyshe Katerina jeton vetëm me bashkëshortin e saj. Me merakun prindëror e dashurinë e madhe të gjyshërve për fëmijët, nipërit e mbesat janë kryefjala e çdo dite në bisedat e tyre. Për të shuar mallin, ajo çdo ditë sheh dhe puth fotot e tyre, sepse zërin jo çdo ditë ua dëgjon, ndërsa pret me padurim hapjen e qarkullimit dhe bashkimin me ta.

"Është shumë e vështirë, më mirë të vdesim sesa të jetojmë. Kam 15 fëmijë e nipër e mbesa dhe të zgjohesh vetëm. Vetëm të hapen rrugët me ka marrë malli shumë për fëmijët. Më kujtohet kur vinin dhe thërrisin te dera "O nëna". E vdekur, e vdekur jam, por çfarë të bëj nuk mund të jemi mbi ligjin, duhet të rri brenda. Ndonjëherë them a do i shohim më se jemi dhe pleq", tha e moshuara. 

Teksa mes lotësh Katerina tregonte rreth familjes së saj të madhe të rrethuar nga nipër dhe mbesa, në sytë e saj qartazi lexohej dashuria për 'mjaltin e mjaltit' siç ajo i qaun të vegjlit.

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Gege Kosova: 14/04/2020 12:25

    DO FLASISH DIKUR…! /Mbeses sime Morea/ Për tash sa dite Ti tash femije Do mbash mend Dikur t’ju flasish Të tjerëve. -Jemi izoluar natyrshem Nga Pademia Virusi-Korona Covid-19. Nuk di Sa do zgjas Permallimi yne Deri ne perqafim.

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Itali/ ‘Skifter’ dhe shpërndarës droge, në pranga 39-vjeçari shqiptar! I gjenden armë, kokainë, hashash, valutë, pajisje dhe materiale të vjedhura

Itali/ ‘Skifter’ dhe shpërndarës droge, në pranga 39-vjeçari shqiptar! I gjenden armë, kokainë, hashash, valutë, pajisje dhe materiale të vjedhura

24 Nëntor, 21:21