POP 5

Lajmet më të lexuara të 5 minutave të fundit

Sociale

‘Larg duart nga lumi i Vlorës’, banorët në protestë kundër projektit për ujësjellësin e Himarës

Banorët e fshatrave pranë Lumit të Vlorës mbështetur nga ambientalistët protestuan kundër projektit të qeverisë për ujësjellësin e ri të Himarës. Uji i lumit – thonë banorët - po futet nëpër tuba për të furnizuar bregdetin, dhe tokat bujqësore do të thahen.

Banorë të fshatrave Drashovicë, Kuç, Beshisht protestuan këtë të shtunë kundër projektit për ujësjellësin e Himarës.

Ata u mblodhën buzë lumit, Shushica, njohur ndryshe si “Lumi i Vlorës” duke kërkuar anulimin e projektit të qeverisë, që parashikon devijimin e ujit të lumit.

“Ndal projekteve tinazare të devijimit të ujit që në burim duke e çuar atë në resortet e Himarës. Askush nuk ka bërë studime e nuk na ka treguar për pasojat për marrjen e ujit. Shushica derdhet në Vjosë ndaj nuk duhet të preket”, tha një banor.

Protesta e banorëve u mbështet nga ambientalistët, të cilët thanë se për ujësjellësin e Himarës po shfrytëzohen “Buronjat e Kuçit”, që aktualisht derdhet në Lumin e Vlorës, e prej tij në Vjosë. Ky projekt thanë banorë dhe ambientalist do të thajë Lumin e Vlorës, që banorët e përdorin për vaditje. Po kështu dëmton ekosistemin e Vjosës, Park Kombëtar i mbrojtur nga shteti.

“Ky ujë i lumit të Vlorës u shërben për banorët. Këtë ujë s’mund ta marrë kryeministri. S’ka mundësi që uji të merret këtu e të çohet në një komunitet tjetër. Lumi I Vlorës nuk duhet të preket! Buronjat e Kuçit nuk do preken. Për të furnizuar Himarën, le të shfrytëzojë qeveria burimet e Borshit”, tha Guri.

Prej 7 muajsh po punohet në fshatin Kuç të Vlorës për shtrirjen e tubacioneve të ujësjellësit të Himarës. Është një investim me vlerë 9. 5 milionë euro i Fondit Shqiptar për Zhvillim dhe Bashkisë së Himarës.

M.T/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Dita e mësueses së baletit në ‘Një nga ne’, Romina Kaso: Më frymëzojnë sytë e fëmijëve, do kërcej sa të kem fuqi

Dita e mësueses së baletit në ‘Një nga ne’, Romina Kaso: Më frymëzojnë sytë e fëmijëve, do kërcej sa të kem fuqi

27 Nëntor, 21:51 nga Xhensila Nako