POP 5

Lajmet më të lexuara të 5 minutave të fundit

Kronikë

Larje hesapesh në burgun e Peqinit! Kush është shkodrani për 'kokën' e të cilit u ofruan 200 mijë euro! Ja dëshmia

Në dëshminë që Indrit Shaqja ka dhënë për vrasjen e Arben Lleshit ka treguar se i kanë  ofruar 200 mijë euro për “kokën” e Lleshit.

Larje hesapesh në burgun e Peqinit! Kush është shkodrani për 'kokën' e të cilit u ofruan 200 mijë euro! Ja dëshmia

Burgu i Peqinit

1703021810_c3305f0a5b164bf099808fbcb4b07e02.jpg

Krimi në Shqipëri duket se po thyen të gjitha barrierat, pasi po porositen vrasje edhe brenda burgjeve. Në dëshminë që Indrit Shaqja ka dhënë për vrasjen e Arben Lleshit ka treguar se i kanë  ofruar 200 mijë euro për “kokën” e Lleshit. Ai tregoi se i kishin kërkuar ta helmonte por kishte refuzuar pasi e kishte shok.

Por gjatë dëshmisë së tij ai tregon se një person anonim i kishte dërguar letër Arben Lleshit të cilin e informonte se ishin ofruar 200 mijë euro për ta elimunuar atë por dhe një të burgosur tjetër. Bëhet fjalë për Xheladin Krujën.

“Një anonim i ka dërguar letër Arben Lleshit tek dhoma se e paralajmërojnë se për kokën tënde po paguojnë 200 mijë euro dhe për Xheladin Krujën 200 mijë euro”, dëshmon Indrit Shaqja thuhet në dosjen e prokurorisë së Elbasanit.

Edhe vrasja e Arben Lleshit më 15 dhjetor 2023 dyshohet se është bërë me pagesë.

Por kush është Xheladin Kruja?

Ai është dënuar me 16 vite e 8 muaj burg në burgun e sigurisë së lartë pasi u shpall fajtor për vrasjen e dy vëllezërve Eliton dhe Enton Grezda, 20 dhe 18 vjeç në lagjen “Naim Gjylbegu” në Shkodër. Krimi ndodhi më 3 maj të vitit 2001. Vrasja ndodhi pas një grindjeje mes të rinjve kur edhe Kruja ishte asokohe 22 vjeç. Pas sherrit ai shkoi në shtëpi, mori automatikun dhe qëlloi me breshëri drejt dy vëllezërve. U arrestua dy ditë më vonë.

Ndërsa vuante dënimin në burgun e Shën Kollit, më 3 qershor 2021 tentoi të vrasë ish- kreun e komunës Rrethina, Kleves Muja. Nga pamjet filmike të regjistruara nga kamerat e sigurisë së burgut rezultoi se Xheladin Kruja e kishte goditur në qafë shtetasin Kleves Muja me një tub të modifikuar si thikë. Sulmi ndodhi pikërisht në çastin që Muja po kthehej në qeli pas takimit me familjarët.


Lajmi kryesor:

'200 mijë euro për kokën e Arben Lleshit!' Letrat që mbërritën në burgun e Peqinit! Indrit Shaqja: I refuzova se e kisha shok
B.K/SI.E./Shqiptarja.com
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Spahiu: Qeveria teknike e 2017 kishte 10 ministra nga PD por humbi 10 herë më thellë

Spahiu: Qeveria teknike e 2017 kishte 10 ministra nga PD por humbi 10 herë më thellë

23 Dhjetor, 23:01