POP 5

Lajmet më të lexuara të 5 minutave të fundit

Sport

Lazio përmbys Interin dhe merr vendin e dytë, fiton Napoli dhe ngec Real Madrid (VIDEO)

Interi mundet pas katër muajsh. Lacio fitoi 2-1 me përmbysje ndaj zikaltërve në “Olimpico” dhe parakalon ekipin e Contes duke u ngjitur në vend të dytë. Napoli u rikthye tek fitorja ndërsa surpriza pati në Spanjë. Real Madrid ngeci në barazim me Selta Vigon dhe tashmë Barcelona është vetëm një pikë larg.

Lazio është skuadra anti-Juventus në Serinë A. Bardhekaltërit fituan me përmbysje ndaj Interit 2-1 në “Olimpico” duke parakaluar Interin në klasifikim dhe mbeten vetëm një pikë larg Juventusit kryesues. Zikaltërit e mbyllën pjesën e parë në avantazh falë golit të shënuar nga Ashley Young por në 45 minutat e dytë gjithçka ndryshoi.

Ciro Immobile barazoi fillimisht me një penallti të shkaktuar nga ishi De Vrij duke mposhtur Padellin. Goli i fitores për Lazion vjen në minutën e 69-të dhe ai që ngre peshë tifozët lacial ishte Sergej Milinkovic Savic që e dërgon topin pas shpinës së portierit zikaltër. Interi humbet pas 4 muajsh ndërsa zbret në vend të tretë.Sonte luhet Milan-Torino.

Napoli rikthehet menjëherë  tek fitorja. Protagonist ishte edhe Hysaj që dha pasimin tek goli i mrekullueshëm i shënuar nga Mertens në fitoren 1-0 ndaj Cagliarit në transfertë. Për Napolin janë pikë të artë për zonën europiane.

Surprizë e madhe në La Liga. Kryesuesit e Real Madrid ngecën në barazim në “Santiago Bernabeu”  2-2 ndaj Celta Vigos. Miqtë kaluan në avantazh shumë shpejt me golin e Smolov por djemtë e Zidane do e përmbysnin rezultatin në pjesën e dytë. Fillimisht barazoi Toni Kroos dhe më pas shënoi kapiteni Sergio Ramos me penallti dhe bëri që Real të rikthente ndeshjen në favor. Dushi i ftohtë për Realin do të vinte 5 minuta nga fundi. Santi Mina barazoi dhe bën që Reali tashmë të jetë vetëm një pikë larg Barcelonës.

Arsenali fitoi me poker golash ndaj Newcastle 4-0 dhe merr pikë të rëndësishme në garën për në Kupat e Europës. Golat u shënuan të gjithë në fraksionin e dytë me Aubameyang,Pepe, Ozil dhe Lacazette. Sonte luhet superndeshja Chelsea-Manchester United./ Përgatiti Andi Kapxhiu

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça